සඳුදා සිට බස් ගාස්තු ඉහළට ? (වීඩියෝ)

ඉන්ධන මිල ඉහළ යාමත් සමඟ ලබන සඳුදා (14) දිනය වන විට බස් ගාස්තු සංශෝධනයකට යා යුතුව ඇති බව සමස්ත ලංකා පෞද්ගලික බස් හිමියන්ගේ සංගමයේ සභාපති ගැමුණු විජේරත්න මහතා පවසනවා.

අද (12) උදෑසන විකාශය වූ ස්වර්ණවාහිනී ‘පත්තරේ’ වැඩසටහන සමඟ සජීවීව සම්බන්ධ වෙමින් ඔහු මේ බව සඳහන් කර සිටියා.

එහිදී ඔහු වැඩිදුරටත් සඳහන් කළේ අවම බස් ගාස්තුව රුපියල් තිහේ සීමාව දක්වා ගෙන යාමට අවශ්‍ය නොවන බවයි.

මේ සම්බන්ධයෙන් වන සාකච්ඡා අද (12) දිනයේ දී ජාතික ගමනාගමන කොම්ෂන් සභාව සහ ප්‍රවාහන අමාත්‍යාංශය සමඟ සිදුකිරීමට නියමිත බව ද ඔහු එහිදී පැවසුවා.