අධික වේගයකින් පැමිණි මෝටර් රථයක් නිසා අහිමි වූ ජීවිත – විදෙස් පුවත්

දකුණුදිග බෙල්ජියමේ  ජනතාව රැදී සිටි ස්ථානයකට එක්වරම කඩාවැදුණු මෝටර් රථයක් නිසා 6 දෙනෙකුගේ ජීවිත අහිමි වී තිබෙනවා.

විදෙස් මාධ්‍ය වාර්තා කර ඇත්තේ ,මෙම සිදුවීම බ්‍රසල්ස් අගනුවරට දකුණින් සැතපුම් 30ක් (50km) පමණ දුරින් පිහිටි Strépy-Bracquegnies නම් කුඩා නගරයේදී සිදු වී ඇති බවයි.

අනතුර සිදුවන අවස්ථාවේ සංදර්ශනයක් සඳ හා පිරිසක් සූදානම් වෙමින් සිටි බවද විදෙස් මාධ්‍ය වාර්තා කර තිබෙනවා.

සිද්ධියෙන් පුද්ගලයින් 12 දෙනෙකුට වැඩි පිරිසක් බරපතල තුවාල ලැබූ අතර ඇතැමෙකුගේ තත්ත්වය බරපතල බවයි වැඩිදුරටත් සඳහන් වන්නේ.

අනතුර සිදුකළ පුද්ගලයා මේ වනවිට අත්අඩංගුවට ගෙන ඇති අතර මෙය ත්‍රස්ත ක්‍රියාවක්ද යන්න පිළිබදව සොයා බැලීමට මේ වනවිට පරීක්ෂණ සිදුකෙරෙනවා.