පහර දීමක් ගැන පුටින්ගෙන් අනතුරු ඇඟවීමක්, වෙබ් අඩවියකුත් හැකර්වරුන් අතට
රුසියානු ජනාධිපති ව්ලැදිමීර් පුටින් විසින් බ්රිතාන්ය අග්රාමාත්ය බොරිස් ජොන්සන් අමතමින් අනතුරු ඇඟවීමක් සිදුකර තිබෙනවා.
ඒ බ්රිතාන්යය විසින් යුක්රේන හමුදාවට දිගු දුර මිසයිල ලබා දීමට තීරණය කිරීමත් සමඟයි.
බ්රිතාන්යය යුක්රේන හමුදාවට දිගු දුර මිසයිල ලබා දුනහොත් බ්රිතාන්යයේ හමුදා ඉලක්කවලට පහර දීමට පසුබට නොවන බවයි රුසියානු ජනාධිපතිවරයා ප්රකාශ කර ඇත්තේ.
යුක්රේන හමුදාවට දිගු දුර මිසයිල ලැබුණහොත්, රුසියාවේ ඉලක්කවලට පහර දීමේ හැකියාව පවතින බවයි විදෙස් මාධ්ය වාර්තා පවසන්නේ.
මේ වනවිටත් ඇමෙරිකාවෙන් යුක්රේන හමුදාවට දිගු දුර මිසයිල ලබා දී ඇති බවටද වාර්තා වනවා.
රුසියානු ජනාධිපති පුටින් වැඩි දුරටත් ප්රකාශ කර ඇත්තේ, යුක්රේන – රුසියානු අර්බුදය උග්ර කිරීමට ඇමෙරිකාව, බ්රිතාන්යය ඇතුළු බටහිර රටවල් සමත් වී ඇති බවයි.
මේ අතර රුසියාවේ ඉදිකිරීම්, නිවාස සහ උපයෝගිතා අමාත්යාංශයේ වෙබ් අඩවියට හැකර් ප්රහාරයක් එල්ලවී තිබූ බවද සඳහන්.
යුක්රේනය විසින් එම හැකර් ප්රහාරය එල්ලකර ඇති බවටයි සැක කෙරෙන්නේ.
කෙසේ වෙතත් රුසියානු රජය ප්රකාශ කර ඇත්තේ එම වෙබ් අඩවියේ දත්තවලට කිසිදු හානියක් සිදුව නොමැති බවයි.