ලංකාවේ ජනතාවට දෙන ඉන්දියාවේ අලුත්ම ව්‍යාපෘති.
අතීතයේ සිටම ඉන්දු ශ්‍රී ලංකා සබඳතා ක්‍රියාත්මක කෙරුණා
වර්තමානයේ ශ්‍රී ලංකාව මුහුණ දී සිටින දැවැන්ත ආර්ථික අර්බුදය හමුවේ ඉන්දියාවේ සිට සංචාරක කර්මාන්තය ප්‍රවර්ධනය කිරීම සඳහා අවශ්‍ය වන යෝජනා දෙකකට මෙරට කැබිනට් මණ්ඩලය අනුමැතිය හිමිවී තිබීම විශේෂිත තත්ත්වයක්.
ශ්‍රී ලංකාව මුහුණ දී සිටින මෙම දැවැන්ත ආර්ථික අර්බුදය හමුවේ ඉන්දියාව ඇමරිකානු ඩොලර් බිලියන ගණනින් පසුගිය මාස කිහිපය පුරාම මෙරට ජනතාවට ආධාර ලබා දී ඇති අතර ද්‍රව්‍යමය ආධාර විශාල තොගයක් ද ඊට ඇතුළත්.
කෙසේ වෙතත් පසුගියදා ඉන්දියාවේ ප්‍රකෝටිපතියෙකු මෙන්ම අග්‍රාමාත්‍ය නරේන්ද්‍ර මෝදිගේ සමීපතමයෙකු ලෙස සැලකෙන අදානි සමූහයේ සභාපති ගෞතම් අදානිගේ ශ්‍රී ලංකාවේ පුනර්ජනනීය බලශක්ති ව්‍යාපෘතිය, පසුගිය සමයේ මෙරට තුළ මහත් ආන්දෝලයක් ඇති කල මාතෘකවක් බවට පත්වුණා.
එය මෙරට මෙන්ම ඉන්දියාවේ දේශපාලන ක්ෂේත්‍රයේද මතභේදයට තුඩුදෙන ව්‍යාපෘතියක් බවට පත්වුයේ අදාළ සුලං බලාගාර ව්‍යාපෘතිය, අදානි සමාගම වෙත ලබා දෙන ලෙස ඉන්දීය අග්‍රාමාත්‍ය නරේන්ද්‍ර මෝදි ජනාධිපති ගෝඨාභය රාජපක්ෂට බලපෑම් කළ බවට
චෝදනා එල්ල වීම හේතුවෙන්.
කෙසේ වෙතත් මෙම චෝදනා, එය ඉදිරිපත් කළ පාර්ශ්වය විසින්ම ඉවත් කර ගනිද්දී , ශ්‍රී ලංකා කැබිනට් මණ්ඩලය දිගු කලක් බලා සිටි යෝජනා දෙකකට ඉන්දියාවට කොළ එළිය දල්වා තිබෙනවා.
යාපනයේ සිට තමිල්නාඩුවේ තිරුචිරපල්ලි දක්වා ගුවන් ගමන්, සහ යාපනයේ කන්කසන්තුරේ සිට පුදුචේරියේ කරෙයිකාල් දක්වා යාත්‍රා සේවාවක් මීට ඇතුළත්.
මෙරට දිගුකාලීන සිවිල් යුද්ධයේ ප්‍රධාන රඟහල වූ උතුරේ, දෙමල ජනතාවගේ ආර්ථික ක්‍රියාකාරකම්වලට ද දායක වන අයුරින් දෙරටේ ජනතාව අතර සම්බන්ධතා ඇති කර ගැනීම සඳහා මෙම ව්‍යාපෘති දිගු කලක් තිස්සේ ඉන්දියාවේ බලාපොරොත්තු ලැයිස්තුවේ කොටසක් බවට පත්ව තිබුණා.
ඒ අනුව දකුණු ඉන්දියාවෙන් පැමිණෙන සංචාරකයින්ගෙන් , මෙරට ආර්ථිකයට විදේශ විනිමය සදහා මග පෑදෙනු ඇති බව අදහසයි.
තමිල්නාඩුව සහ ශ්‍රී ලංකාවේ උතුරු ප්‍රදේශය අතර ගුවන් ගමන් සහ යාත්‍රා සේවා සම්බන්ධතාවය1970 දශකය දක්වා ඈත අතීතයට දිව යනවා.
2009 යුද්ධය අවසන් වීමෙන් පසු මෙම සේවා යලි ඇරඹීමට යෝජනා කරන ලද නමුත් කොළඹින් ඊට ලැබුණු ප්‍රතිචාරය සාර්ථක එකක් නොවුනා.
පලාලි ගුවන් තොටුපළ මෑත කාලයේ ජාත්‍යන්තර සිවිල් ගුවන් ගමන් සඳහා විවෘත කරන ලද්දේ 2019 නොවැම්බර් මාසයේදීය.
එහි ගොඩබසින පළමු ජාත්‍යන්තර ගුවන් යානය චෙන්නායි සිට එයාර් එලායන්ස් ගුවන් යානයක් වන අතර එය ගුවන් සමාගමේ ඉහළ නිලධාරීන් සහ මාධ්‍යවේදීන් රැගත් ගුවන් යානයයි.
එය භූගෝලීය වශයෙන් පමණක් නොව සංස්කෘතික හා ඓතිහාසික වශයෙන් ද එකිනෙකට සමීප වූ නගර දෙක අතර පැරණි ගුවන් සම්බන්ධතා යථා තත්ත්වයට පත් කළ සන්ධිස්ථානයක් වුණා.
වාණිජ මෙහෙයුම් 2019 නොවැම්බර් 1 වන දින සතියකට ගුවන් ගමන් තුනකින් ආරම්භ වූ අතර දෛනික සේවාව ඉක්මනින් ආරම්භ කිරීමට එකල අපේක්ෂා කෙරුණා.
කෙසේ වෙතත්, වසංගතය ඒ සියල්ල නතර කළා.
කොවිඩ් 19 වසංගතය මධ්‍යයේ මාස කිහිපයකින් ගුවන් තොටුපළ වසා දැමුවා.
යාපනය දිස්ත්‍රික් පාර්ලිමේන්තු මන්ත්‍රීවරයෙකු ද වන ධීවර අමාත්‍ය ඩග්ලස් දේවානන්ද මහතා පැවසුවේ මෙම නව සම්බන්ධතා දෙක මගින් උතුරු ශ්‍රී ලංකාවේ ආගමික ස්ථාන වෙත සංචාරක කටයුතු සඳහා දකුණු ඉන්දියාවෙන් සැලකිය යුතු වන්දනාකරුවන් පිරිසක් රැගෙන එන බවයි.
“යෝජනා සඳහා කැබිනට් අනුමැතිය ලැබී තිබෙනවා. ගුවන් තොටුපළ සඳහා අදාළ අමාත්‍යවරයා විසින් එම යෝජනාව අධ්‍යයනය කර ජනාධිපතිවරයා වෙත ඉදිරිපත් කරනු ඇත. ක්ක්එය ලබන මාසය වන විට ආරම්භ විය යුතුයි,” දේවානන්ද The Indian Express වෙත පවසා තිබෙනවා.
ගුවන් තොටුපළ නවීකරණය කිරීමෙන් පසු ගුවන් ගමන් යලි ආරම්භ කරන බවත්, ගුවන් තොටුපළේ ආගමන හා රේගු තනතුරු නැවත පණ ගැන්වීමට කටයුතු කරමින් සිටින බවත් ඔහු පැවසුවා.
මන්නාරම – රාමේෂ්වරම් අතර යාත්‍රා සේවාවක් සඳහා යෝජනාවක් ඉදිරිපත්ව තිබුණත් මේ වන විට කැබිනට් අනුමැතිය ලබා දී ඇත්තේ කන්කසන්තුරේ – කරෙයිකාල් තොටුපළ සඳහා පමණයි.
රාමේෂ්වරන්ට යාත්‍රා සේවාවක් සඳහා ප්‍රමාණවත් යටිතල පහසුකම් නොමැති අතර, කරෙයිකාල්හි විශාල භාණ්ඩ ප්‍රවාහන වරායක් තිබීම මීට හේතුවයි.
පසුගිය නොවැම්බරයේදී, Edelweiss විසින් කරයිකාල් වරායේ තිබූ සියයට 11 ක කොටස් සමඟ රුපියල් කෝටි 2,059 ක ණය මුදලක් ඕම්කාරා ARC වෙත විකුණුවා.
Omkara විසින් Karaikal මණ්ඩලයට නම් කරන ලද පුද්ගලයන් දෙදෙනා වන්නේ Adani සමූහයේ හිටපු විධායක අධ්‍යක්ෂ සහ CFO අමීත් දේසායි සහ විශ්‍රාමික පන්ජාබ් කේඩර IAS නිලධාරියෙකු වන සුරේන්දර් කුමාර් ටුතේජා සහ Adani Agri Logisitcs Limited හි හිටපු අධ්‍යක්ෂවරයෙකි.
ඔවුන්ගේ නම් කිරීම අදානි පෝර්ට්ස් සහ විශේෂ ආර්ථික කලාප විසින් කරයිකාල් වරාය අත්පත් කර ගැනීමට මග පෑදීමක් ලෙස වාර්තා වනවා.
2021 පෙබරවාරි මාසයේදී ද පුදුචේරි සහ යාපනයේ කරයිකාල් වරායවලින් පාරු සේවාවක් යෝජනා කෙරුණා.
එවකට නාවික කටයුතු පිළිබඳ මධ්‍යම රාජ්‍ය අමාත්‍යවරයාව සිටි මන්සුක් මන්දවියා පවසා තිබුණේ මෙම ව්‍යාපෘතිය පුද්ගලික-රාජ්‍ය හවුල්කාරිත්ව (PPP) පදනමක් මත සිදුවන බවත්, එහිදී ක්‍රියාකරු විසින් සේවාව පවත්වාගෙන යනු ඇති බවත්, කරයිකාල් වරාය පහසුකම් සපයන්නා සහ රාජ්‍ය මධ්‍යස්ථානය ලෙස සහාය ලබා දෙනු ඇති බවයි.
2021 ජූලි මාසයේදී චෙන්නායි හි ශ්‍රී ලංකා නියෝජ්‍ය මහ කොමසාරිස් දොරයිසාමි වෙන්කටේෂ්වරන් කරෙයිකාල් වෙත ගොස් පාරු සේවය ඉක්මනින් ක්‍රියාත්මක කිරීම පිළිබඳව සාකච්ඡා කර තිබෙනවා.
යාපනය දිස්ත්‍රික්කයේ කන්කසන්තුරේ (KKS) වරායේ කැණීම් කටයුතු අවසන් කරන ලද්දේ ඉන්දීය රජයේ රාජ්‍ය අංශයේ ව්‍යාපාරයක් වන Dredging Corporation of India විසින්.
2018 වසරේදී ඉන්දියාව විසින් වරාය වාණිජ වරායක් ලෙස වැඩිදියුණු කිරීම සඳහා ඇමෙරිකානු ඩොලර් මිලියන 45.27ක් ලබා දුන් අතර ද හින්දු පුවත්පතේ වාර්තාවකට අනුව එය ප්‍රවේශ නාලිකාව කැණීම සඳහා අරමුදල් ද ලබා දී තිබෙනවා.
පාරු ව්‍යාපෘතියට ශ්‍රී ලංකා කැබිනට් මණ්ඩලයේ අනුමැතිය ලැබී ඇති පසුබිමක සීමාසහිත සාගර්මාලා සංවර්ධන සමාගම හරහා ක්‍රියාවට නංවා ඇති ඉන්දීය රජයේ ව්‍යවසායයක් වන මෙම යාත්‍රා සේවාව පරිසර හිතකාමී වීම පැසසිය යුත්තකි .
මෙම ව්‍යාපෘති ජාතීන් දෙක අතර ආර්ථික සබඳතා නංවාලීම ඉලක්ක කර ඇති අතර සිවිල් යුද්ධයේ කේන්ද්‍රස්ථානය වූ ශ්‍රී ලංකාවේ උතුරේ ආර්ථික ක්‍රියාකාරකම් ඉහළ නැංවීමට අපේක්ෂා කෙරේ.
මෙමගින් පැහැදිලිවම දකුණු ඉන්දියාවේ සිට දිවයිනට ගමන් කිරීම පහසු කරනු ඇත, එමගින් ශ්‍රී ලංකාව එහි දරුණුතම ආර්ථික අර්බුදයෙන් පීඩා විඳිමින් සිටින සංචාරක ව්‍යාපාරයට සහනයක් ලබා දෙනු ඇත.
මෙම ව්‍යාපෘති දෙක මගින් ඉන්දියාව සහ ශ්‍රී ලංකාව අතර ගමන් කාලය අඩු කිරීමටත් ආර්ථික ක්‍රියාකාරකම් වැඩිදියුණු කිරීමටත් අපේක්ෂා කෙරෙනවා.