බොරතෙල් සහ සහ ගෑස් ගැන ඉන්දියාව ගත් තීරණය
ඉන්ධන හා ගෑස් ක්ෂේත්රයේ සහයෝගිතාව වෙනුවෙන් ඉන්දියාව සහ ගයනා රාජ්යය සමග එකගතාවකට පැමිණ ඇති බවත් ඒ අනුව දිගුකාලීන පදනම යටතේ ගයනාවෙන් බොරතෙල් මිලදී ගැනීමටත්, එරට ආයෝජන ඉහළ නැංවීමටත් ඉන්දියාව එකඟ වී ඇතැයි විදෙස් මාධ්ය වාර්තා කරනවා.
ඒ සම්බන්ධයෙන් ඉන්දියාවේ ඉන්ධන අමාත්ය හර්දීප් සිං හා ගයනාවේ ජනාධිපති මොහමඩ් ඉර්ෆාන් අලී හමුවී දීර්ඝ ලෙස සාකච්ඡා කර ඇති බවයි විදෙස් මාධ්ය වාර්තා කළේ.
ඒ අනුව ගයනාවේ ඉන්ධන කැනීම් කටයුතු සහ නිෂ්පාදන කටයුතු සදහා ඉන්දියාව ද දායකත්වය දරණු ඇතැයි අපේක්ෂිතයි.
ඊට අදාල සාකච්ඡා ඉදිරියටත් පුළුල් ලෙස පවත්වාගෙන යාම සදහා තාක්ෂණික කණ්ඩායමක් ද ස්ථාපිත කිරීමට ද උපදෙස් ලබා දී තිබෙනවා.
ලබන මාසයේදී ගයනාවේ උප ජනාධිපති Bharrat Jagdeo ඉන්දියාවට පැමිණීමට නියමිත අතර එහිදී දෙපාර්ශවයේ සහයෝගිතාව සම්බන්ධයෙන් අවසන් තීරණයට එළඹීමට නියමිත බව ද විදෙස් මාධ්ය වාර්තා කරනවා.