දත් 38ක් ඇති ඉන්දීය කාන්තාවකගෙන් ලෝක වාර්තාවක්

කටේ දත් 38ක් සහිත 26 හැවිරිදි ඉන්දීය කාන්තාවක් ගිනස් වාර්තාවක් පිහිටුවා තිබෙනවා.

සාමාන්‍ය වැඩිහිටි පුද්ගලයෙකුට ඇති දත් සංඛ්‍යාවට වඩා 6ක් ඇති Kalpana Bala ගැහැණු ළමයෙකුගේ මුඛයේ වැඩිම දත් සංඛ්‍යාවක් තිබීමේ වාර්තාවට හිමිකම් කියන බවයි විදෙස් මාධ්‍ය වාර්තා කරන්නේ.
.
ගිනස් ලෝක වාර්තාවට අනුව,Kalpanaට පහළ හකු දත් හතරක් සහ ඉහළ හකු දත් දෙකක් වැඩියෙන් ඇති බවයි සඳහන් වන්නේ.

නව යොවුන් වියේදී Kalpanaගේ අමතර දත් ටිකෙන් ටික මතුවෙමින් එකින් එක වැඩෙන්නට වුණා.

වැඩිපුර ඇති දත් නිසා කිසිදු වේදනාවක් අත්විඳ නොතිබුණද ආහාර බොහෝ විට දත් අතර සිරවී ඇති බැවින් ආහාර ගැනීමේදී ඇය අභියෝගවලට මුහුණ දුන් බවයි අදහස් දක්වමින් ඇය කියා සිටියේ.

ඇයගේ දෙමාපියන් අතිරේකව පිහිටා ඇති දත් සොයාගත් විට එම දත් ඉවත් කිරීමට නිර්දේශ කර තිබෙනවා.

කෙසේ වෙතත්, Kalpanaගේ දන්ත වෛද්‍යවරයා ඇයට යෝජනා කළේ දත් පහසුවෙන් ඉවත් කළ නොහැකි නිසා ඒවා වර්ධනය වන තුරු රැඳී සිටින ලෙසයි.

Kalpana මහත්මිය දත් සම්පූර්ණයෙන් වැඩුණු පසුව පවා තබා ගැනීමට තීරණය කළේ, එම ක්‍රියා පටිපාටිය සිදු කිරීමට ඇය බිය වූ බැවිනි.

මෙම කාණ්ඩය යටතේ පිරිමි වාර්තා දරන්නා කැනඩාවේ Evano Mellone වන අතර ඔහුට මුළු දත් 41 ක් ඇති බව වාර්තා වනවා.

අතිරේකව දත් පැවතීම සඳහා වන වෛද්‍ය යෙදුම වන්නේ hyperdontia හෝ polydontia වන අතර ලෝක ජනගහනයෙන් 3.8% කට අධි සංඛ්‍යාත්මක දත් පිහිටන බවයි විදෙස් මාධ්‍ය වැඩිදුරටත් සඳහන් කරන්නේ.