කූට ලේඛන මගින් ව්‍යාජ රියදුරු බලපත්‍ර සකස් කළ පුද්ගලයෙකු අත්අඩංගුවට
කූට ලේඛන සකස් කරමින් ව්‍යාජ රියදුරු බලපත්‍ර සකස් කර සන්තකයේ තබා ගෙන සිටි පුද්ගලයෙකු ජාවාරමක නිරත වූ පුද්ගලයෙකු නාරාහේන්පිට දාබරේ මාවත ප්‍රදේශයේ දී අත්අඩංගුවට ගෙන තිබෙනවා
අපරාධ පරීක්ෂණ දෙපාර්තමේන්තුවේ මනුෂ්‍ය ඝාතන, සංවිධානාත්මක අපරාධ විමර්ශන කොට්ඨාශයට ලද තොරතුරක් මත සිදු කළ වැටලීමක දීයි මෙම සැකකරු අත්අඩංගුවට ගෙන ඇත්තේ.
අත්අඩංගුවට ගත් සැකකරු 61 හැවිරිදි වියේ පසුවන නාරාහේන්පිට ප්‍රදේශයේ පදිංචිකරුවෙක් බව සඳහන්.
සැකකරුගෙන් කළ වැඩිදුර ප්‍රශ්න කිරීම්වලදී අනාවරණය වී ඇත්තේ ඔහු දිවයිනේ විවිධ ප්‍රදේශවල පුද්ගලයින්ගෙන් මුදල් ලබාගෙන ව්‍යාජ නිල මුද්‍රා යොදා ගනිමින් රියදුරු බලපත්‍ර සකස් කර ඇති බවටයි
සැකකරු සන්තකයේ තිබී ව්‍යාජ ලෙස සකස් කරන ලද විවිධ පොලිස් ස්ථානවල ස්ථානාධිපතිවරුන්ගේ, මෝටර් රථ ප්‍රවාහන දෙපාර්තමේන්තුවේ සහකාර කොමසාරිස්වරුන්ගේ, නීතීඥවරුන්ගේ සහ විවිධ පෞද්ගලික ආයතනවල නිල මුද්‍රා රැසක් ද සොයාගෙන තිබෙනවා