ට්‍රම්ප්ට කොලරාඩෝ ප්‍රාන්තයේ ජනාධිපති ධුරයට තරඟ කිරීම අහිමි වෙයි
කොලරාඩෝ හි ශ්‍රේෂ්ඨාධිකරණය අමෙරිකාවේ හිටපු ජනපති ඩොනල්ඩ් ට්‍රම්ප්ට ලබන වසරේ එම ප්‍රාන්තයේ ජනාධිපති ධුරයට තරඟ කළ නොහැකි බව තීන්දු කර තිබෙනවා
ඩොනල්ඩ් ට්‍රම්ප් වසර තුනකට පමණ පෙර එක්සත් ජනපද කැපිටල් කෝලාහලයට එරෙහිව කැරැල්ලක නිරත වූ බැවින් ඔහු සුදුසුකම් ලත් අපේක්ෂකයෙකු නොවන බවයි අධිකරණය තීන්දු කර තිබෙන්නේ
ට්‍රම්ප් මෙම තීරණය ප්‍රජාතන්ත්‍ර විරෝධී ලෙස හැඳින්වූ අතර අභියාචනය කිරීමට බලාපොරොත්තු වන බවද විදෙස් මාධ්‍ය පවසනවා .
එය ජනාධිපති අපේක්ෂකයෙකු නුසුදුස්සෙකු කිරීම සඳහා එක්සත් ජනපද ආණ්ඩුක්‍රම ව්‍යවස්ථාවේ 14 වන සංශෝධනයේ 3 වන වගන්තිය භාවිතා කරන පළමු අවස්ථාව බවයි විදෙස් මාධ්‍ය වාර්තා කරන්නේ
මෙම තීරණය කොලරාඩෝ හැර වෙනත් ප්‍රාන්තවලට අදාළ නොවන අතර ලබන මාසය දක්වා අභියාචනයක් පැවැත්වීමට නියමිතව ඇති බවද පැවසෙනවා
ලබන නොවැම්බරයේ කොලරාඩෝ හි පැවැත්වෙන මහ මැතිවරණයට ද බලපෑ හැකි වුවද, රිපබ්ලිකන් ඡන්දදායකයින් තමන් කැමති ජනාධිපති අපේක්ෂකයා තෝරා ගන්නා මාර්තු 5 වන දින ප්‍රාන්තයේ ප්‍රාථමික මැතිවරණයට පමණක් මෙම තීන්දුව අදාළ වන බවද සඳහන් .