ගාසා තීරයේ යුද ගැටුම් 2024 පුරාම පවතිනු ඇතැයි ඊශ්‍රායල හමුදාවෙන් ප්‍රකාශයක්
ගාසා තීරයේ ගැටුම් 2024 පුරාවටම පවතිනු ඇතැයි තමන් අපේක්ෂා කරන බව ඊශ්‍රායල හමුදාව පවසා තිබෙනවා .
නව වසරේ පණිවිඩයක් නිකුත් කරමින් ඊශ්‍රායල ආරක්ෂක හමුදා ප්‍රකාශක Daniel Hagari කියා සිටියේ දිගු සටන් සඳහා සූදානම් වීමට හමුදා යෙදවීම් සකස් කරමින් පවතින බවයි.
සමහර භට පිරිස් නැවත කණ්ඩායම් කිරීමට ඉඩ දීම සඳහා ඉවත් කර ගන්නා අතර මෙම අනුවර්තනයන් 2024 දී යුද්ධය දිගටම කරගෙන යාම සඳහා සැලසුම් කිරීම සහ සූදානම සහතික කිරීම සඳහා යොදවන බවද වැඩිදුරටත් ඔහු සඳහන් කරනවා
හමාස් විසින් පවත්වාගෙන යනු ලබන සෞඛ්‍ය අමාත්‍යාංශයට අනුව සති 11 ක් පුරා පැවති සටන් තුළ ගාසා තීරයේ 21,800 කට වැඩි පිරිසක් මියගොස් තිබෙනවා
ඔක්තෝබර් 7 වන දින දකුණු ඊශ්‍රායලයට හමාස් සංවිධානය විසින් දේශසීමා ප්‍රහාරයක් එල්ල කිරීමෙන් නවතම යුද්ධය ආරම්භ වූ අතර, ඉන්1,200 දෙනෙකු මිය ගිය අතර ඔවුන්ගෙන් වැඩි දෙනෙක් සිවිල් වැසියන් සහ තවත් 240 ක් පමණ ප්‍රාණ ඇපයට ගැනුණා .