උප්පැන්න සහතික නැති නිසා ජාතික හැඳුනුම්පත ලබාගැනීමට නොහැකි වූ අයට දැනුම්දීමක්

උප්පැන්න සහතිකයක් නොමැතිවීමෙන් මෙතෙක් ජාතික හැඳුනුම්පත් ලබා ගැනීමට නොහැකි වු වයස අවුරුදු 40 ඉක්මවූ පුද්ගලයින් සඳහා ජාතික හැඳුනුම්පත් ලබා ගැනීමට තවදුරටත් අවස්ථාව පවතින බව පුද්ගලයින් ලියාපදිංචි කිරීමේ දෙපාර්තමේන්තුවේ කොමසාරිස් ජනරාල් ප්‍රදීප් සපුතන්ත්‍රී මහතා පවසනවා.

ඒ අනුව මේ මස 30 වනදා දක්වා ඒ සඳහා අවස්ථාව පවතින බවයි ඔහු වැඩිදුරටත් සඳහන් කරන්නේ.

මේ සඳහා ඉල්ලුම්පත් යොමු කිරීමට පසුගිය මාර්තු මස 31 වනදා දක්වා කාලය ලබාදුන් බව සඳහන්.

ප්‍රාදේශීය ලේකම්වරුන් සිදුකළ ඉල්ලීම් සැලකිල්ලට ගනිමින් ඉල්ලුම්පත් යොමු කිරීම සඳහා මෙලෙස තවදුරටත් කාලය ලබා දීමට කටයුතු කල බවයි පුද්ගලයින් ලියාපදිංචි කිරීමේ දෙපාර්තමේන්තුව සඳහන් කරන්නේ.