චීන නියෝජිත පිරිසක් සහ මහජන ආරක්ෂක අමාත්‍යවරයා අතර හමුවක්
මෙරට සංචාරයක නිරතව සිටින චීනයේ සිචුආන් පළාතේ උප ආණ්ඩුකාර සහ මහජන ආරක්ෂක දෙපාර්තමේන්තුවේ කොමසාරිස් YE Hanbing මහතා ඇතුළු නියෝජිත පිරිසක් මහජන ආරක්ෂක අමාත්‍ය ටිරාන් අලස් මහතා හමුව තිබෙනවා
ශ්‍රී ලංකාවේ අපරාධ සහ මත්ද්‍රව්‍ය උවදුර පාලනය කිරීම සඳහා මේ වනවිට ගෙන ඇති ක්‍රියාමාර්ග සම්බන්ධයෙන් එහිදී එම නියෝජිත පිරිස ප්‍රශංසාව පළ කර තිබුණා
එමෙන්ම ඉදිරියේදී පරිගණක අපරාධ ඇතිවීමේ ප්‍රවණතාවය ඉහළ යා හැකි බැවින් කලාපීය රටවල් රැසක මේ වනවිට අවධානය යොමුවී ඇති බවත් ඊට දැඩි ක්‍රියාමාර්ග ගැනීමේ අවශ්‍යතාවයද චීන නියෝජිත පිරිස පෙන්වා දී තිබෙනවා
ඒ අනුව තාක්ෂණය, දැනුම සහ අත්දැකීම් හුවමාරු කරගැනීමේ වැදගත්කම පෙන්වා දෙමින් ඒ සඳහා වැඩසටහන් සිදුකීරීමට අවශ්‍ය සහයෝගය ලබාදෙන ලෙසයි එහිදී අමාත්‍ය ටිරාන් අලස් මහතා එම නියෝජිත පිරිසගෙන් ඉල්ලා ඇත්තේ
ඉදිරියේදී චීනයේ සිචුආන් පළාතේ පැවැත්වීමට නියමිත පොලිස් සමුළුව සඳහා අමාත්‍ය ටිරාන් අලස් මහතා ඇතුළු මෙරට නියෝජිත පිරිසකට ඊට සහභාගී වන ලෙස චීන නියෝජිත පිරිස ආරාධනයක්ද කරනු ලැබුවා