මිදිගමට මත්ද්‍රව්‍ය බෙදූ ජාවාරමෙක් පොලිස් දැලේ
මිදිගම පොලිස් ස්ථානයේ නිලධාරින් වැටලීම් රාජකාරි යෙදී සිටියදී ලද තොරතුරක් මත මිදිගම පොලිස් වසමේ තුර්කි ගම්මානයේ වැටලීමක් සිදුකර මත්ද්‍රව්‍ය සන්තකයේ තබාගෙන සිටි සැකකරුවෙකු අත්අඩංගුවට ගෙන තිබෙනවා.
සැකකරු සන්තකයේ තිබී අයිස් මත්ද්‍රව්‍ය පැකට් 30 ක් සොයා ගෙන ඇති අතර එම මත්ද්‍රව්‍ය පැකට් වල මුළු බර ග්‍රෑම් 8 මිලි ග්‍රෑම් 255 ක් බවයි පොලිසිය සඳහන් කරන්නේ.
අත්අඩංගුවට ගත් සැකකරු අවුරුදු 20 ක් වයසැති තුර්කි ගම්මානය, මිදිගම පදිංචිකරුවෙක්.
සැකකරු මාතර මහේස්ත්‍රාත් අධිකරණයට ඉදිරිපත් කිරීමෙන් අනතුරුව රඳවා ගැනීමේ නියෝග ලබා ගෙන තිබෙනවා.
අත්අඩංගුවට ගත් සැකකරු මත්ද්‍රව්‍ය බෙදා හැරීමේ ජාලයකට සම්බන්ධ දැයි අනාවරණය කර ගැනීම සඳහා රඳවාගෙන වැඩිදුර විමර්ශන මිදිගම පොලිසිය විසින් සිදු කරන බවයි පොලිස් මාධ්‍ය කොට්ඨාසය වැඩිදුරටත් සඳහන් කරන්නේ.