පුරාවස්තු ලබාගැනීමේ අරමුණින් කැණීම් කළ හිමිනමක් ඇතුළු සැකකරුවන් තිදෙනෙක් අත්අඩංගුවට
හොරොව්පොතාන මොරවැව ප්‍රදේශයේ පුරාවස්තු ලබාගැනීමේ අරමුණින් කැණීම් කරන බවට පොලිස් විශේෂ කාර්ය බලකා කැබිතිගොල්ලෑව නිලධාරීන්ට ලද තොරතුරක් මත කැණීම් උපකරණ, පූජා භාණ්ඩ සමඟ සැකකරුවන් සිව් දෙනෙක් අත්අඩංගුවට ගෙන තිබෙනවා.
මෙහිදී අත්අඩංගුවට ගත් පිරිස හොරොව්පොතාන පොලිස් ස්ථානයට ඉදිරිපත් කිරීමට කටයුතු කර ඇති බවයි වාර්තා වන්නේ.
සැකකරුවන් සිව්දෙනාගෙන් එක් අයෙකු අම්බලන්ගොඩ ප්‍රදේශයේ විහාරස්ථානයක වැඩ වසන හිමිනමක් බව සඳහන්.
අත්අඩංගුවට ගත් සැකකරුවන් අවුරුදු 23 සහ 42 වයස්වල පසුවන මොරවැව ප්‍රදේශයේ පදිංචිකරුවන් වන අතර සිද්ධිය සම්බන්ධයෙන් හොරොව්පොතාන පොලීසිය වැඩිදුර විමර්ශන සිදුකරන බවයි වාර්තා වන්නේ.