ශ්‍රී ලංකාවට අලුතින් පත්ව ආ තානාපතිවරුන් සහ මහකොමසාරිස්වරු
ශ්‍රී ලංකාව සඳහා අලුතින් පත්ව පැමිණි තානාපතිවරුන් තිදෙනෙකු සහ මහකොමසාරිස්වරුන් දෙදෙනෙකු අද (21) කොළඹ කොටුව ජනාධිපති මන්දිරයේදී ජනාධිපති රනිල් වික්‍රමසිංහ මහතා වෙත සිය අක්තපත්‍ර භාරදී තිබෙනවා.
ඒ අනුව ලිතුවේනියා ජනරජය වෙනුවෙන් ඩයනා මෙකැවෙසියන් මහත්මිය, වියට්නාමය වෙනුවෙන් ට්‍රින් තී ටැම් මහත්මිය සහ මියන්මාරය සඳහා මාලර් තන් ටයික් මහත්මිය නාව තානාපතිවරුන් ලෙස ජනපති වෙත අක්ත පත්‍ර භාර දී ඇති බව සඳහන්.
එමෙන්ම මෙරටට පත්ව ආ නව මහකොමසාරිස්වරු ලෙස සිම්බාබ්වේ වෙනුවෙන් පර්සි පැස්ටන් චන්දා මහතා සහ බංග්ලාදේශය සඳහා අන්දාලිබ් එලායස් මහතා සිය අක්ත පත්‍ර භාර දුන් බවයි ජනාධිපති මාධ්‍ය අංශය පැවසුවේ.
අක්ත පත්‍ර භාරගැනීමෙන් අනතුරුව ජනාධිපති රනිල් වික්‍රමසිංහ මහතා නව තානාපතිවරුන් සහ මහකොමසාරිස්වරුන් සමඟ සුහද කතාබහක ද නිරත වී තිබෙනවා.