ඊශ්‍රායල ගුවන් ප්‍රහාරයකින් ලෙබනනයේ 11 දෙනෙකු මරුට
ඊශ්‍රායලය එල්ල කළ ගුවන් ප්‍රහාරයකින් ලෙබනනයේ බේරූට් හි පුද්ගලයින් 11 දෙනෙකු මියගොස් තිබෙනවා.
මහල් 8කින් සමන්විත නේවාසික ගොඩනැගිල්ලකට අදාළ ප්‍රහාරය එල්ල වී ඇති බවයි විදෙස් මාධ්‍ය වාර්තා කළේ.
එම ප්‍රහාරයෙන් තවත් පුද්ගලයින් 63 දෙනෙකු තුවාල ලබා තිබෙනවා.
සුන්බුන් අතර සිරවී සිටින පිරිස් සොයා එරට බලධාරීන් විසින් මෙහෙයුම් ආරම්භ කර ඇති බව විදෙස් මාධ්‍ය වාර්තා කළා.
ඒ අනුව මියගිය සහ තුවාල ලැබූවන්ගේ සංඛ්‍යාව තවදුරටත් ඉහළ යා හැකි බවටයි බලධාරීන් විශ්වාසය පළ කර ඇත්තේ.