ආසියානු යොවුන් කාන්තා ශූරතාව දිනූ ඉන්දියාව

වයස අවුරුදු 19න් පහළ ආසියානු කාන්තා විස්සයි විස්ස ක්‍රිකට් තරගාවලියේ ශූරතාව දිනාගැනීමට ඉන්දීය කාන්තා කණ්ඩායම අද (22) සමත් වුණා.

මැලේසියාවේ පැවැත් වූ මෙම තරගාවලියේ අවසන් මහා තරගය ක්වාලාලාම්පූර්හි Bayuemas Oval ක්‍රීඩාංගණයේ දී පැවැත්වුණු අතර එහිදී බංග්ලාදේශ කණ්ඩායම ලකුණු 41කින් පරාජයට පත් කිරීමටයි ඉන්දීය කණ්ඩායම සමත් වුණේ.

එහි පළමුව පන්දුවට පහරදුන් ඉන්දීය කණ්ඩායම පන්දුවාර 20 තුළදී කඩුලු 7ක් දැවී ලකුණු 117ක් රැස්කර ගත්තා.

කෙසේවෙතත් ජයග්‍රාහී ඉලක්කය හඹා ගිය බංග්ලාදේශ කණ්ඩායමට පන්දුවාර 18යි පන්දු 3කදී සියලු දෙනා දැවී ලබාගත හැකිවූයේ ලකුණු 76ක් පමණයි.