ශ්‍රී ලංකාවට එරෙහිව නවසීලන්තයට කඩුලු 9ක ජයක්
සංචාරක ශ්‍රී ලංකා කණ්ඩායමට එරෙහිව පැවති පළමු එක්දින තරගයෙන් කඩුලු 9ක ජයක් හිමිකර ගැනීමට නවසීලන්ත කණ්ඩායම අද (05) සමත් වුණා.
තරගයේ කාසියේ වාසිය දිනූ නවසීලන්ත කණ්ඩායමේ ආරාධනයෙන් පළමුව පන්දුවට පහරදුන් ශ්‍රී ලංකා කණ්ඩායම පන්දුවාර 43යි පන්දු 4කදී සියලු දෙනා දැවී ලකුණු 178ක් ලබා ගත්තා.
එහිදී අවිශ්ක ප්‍රනාන්දු ලකුණු 56ක් ලබාගත් අතර ඊට හතරේ පහර 6ක් සහ හයේ පහර එකක් ඇතුළත් වුණා.
ලකුණු 179ක ජයග්‍රාහී ඉලක්කය හඹා ගිය නවසීලන්ත කණ්ඩායම පන්දුවාර 26යි පන්දු 2ක් තුළ එක් කඩුල්ලක් පමණක් දැවී ලකුණු 180ක් රැස් කිරීමට සමත් වුණා.
එහිදී විශිෂ්ට පිති හරඹයක නිරත වූ Will Young නොදැවී ලකුණු 90ක් රැස් කළා.