කොකේන් තොගයක් සමග විදෙස් ජාතිකයෙක් අත්අඩංගුවට

රුපියල් මිලියන 97ක් වටිනා කොකේන් මත්ද්‍රව්‍ය තොගයක් සමග විදේශිකයෙකු කටුනායක ගුවන්තොටුපොළේ දී අත්අඩංගුවට ගෙන තිබෙනවා .

අද (08) අලුයම 2.40 ට පමණ කටාර් ගුවන් සේවයට අයත් QR 662 දරන ගුවන් යානයෙන් ඔහු මෙරටට පැමිණ ඇති අතර සිය ගමන් මල්ලේ, කොකේන් මත්ද්‍රව්‍ය කිලෝ ග්‍රෑම් 02යි ග්‍රෑම් 759ක් සූක්ෂම ලෙස සඟවා ගෙන පැමිණ තිබුණා

අත්අඩංගුවට ගත් සැකකරු 66 හැවිරිදි බොස්නියානු ජාතිකයෙක් වන අතර කොකේන් මත්ද්‍රව්‍ය තොගය වැඩිදුර විමර්ශන කටයුතු සඳහා කටුනායක ගුවන්තොටුපොළ පොලිස් මත්ද්‍රව්‍ය කාර්යාංශයේ නිලධාරීන් වෙත භාරදීමට පියවර ඇති බවයි අතිරේක රේගු අධ්‍යක්ෂ ජනරාල් මාධ්‍ය ප්‍රකාශක සීවලී අරුක්ගොඩ පැවසුවේ