කිඹුල් හිසක් සමඟ පුද්ගලයෙක් අත්අඩංගුවට
කිඹුල් හිස් කබලක් ගමන් මලු තුළ සඟවාගෙන යමින් තිබූ කැනේඩියානු ජාතිකයෙකු දිල්ලි ගුවන් තොටුපළේදී අත්අඩංගුවට ගෙන තිබෙනවා.
අත්අඩංගුවට ගත් පුද්ගලයා කැනඩාව බලා පිටත්ව යන ගුවන් යානය අල්ලා ගැනීමට ගුවන් තොටුපළේ සිටියදී ආරක්ෂක නිලධාරීන් විසින් සිදුකළ පරික්ෂාවේදී මෙම කිඹුල් හිස් කබල සොයාගත් බවයි විදෙස් මාධ්‍ය වාර්තා කර තිබෙන්නේ.
දිල්ලි රේගුව නිවේදනයක් නිකුත් කරමින් කියා සිටියේ ග්‍රෑම් 777 ක් පමණ බරැති කිඹුල් පැටවෙකුගේ හකුට සමාන තියුණු දත් සහිත හිස් කබලක් මෙසේ සොයාගත් බවයි.
මෙහිදී එම පුද්ගලයා අත්අඩංගුවට ගෙන හිස් කබල එරට වනජීවී හා වනජීවී දෙපාර්තමේන්තුවට භාර දුන් බව සඳහන්.
එරට බලධාරීන් පවසා සිටියේ කිඹුල් හිස් කබල සන්තකයේ තබා ගැනීම ඉන්දියාවේ වනජීවී ආරක්ෂණ නීතිය සහ එහි රේගු පනත උල්ලංඝනය කරන බවයි.
