ශූරයන්ගේ කුසලානයේ විශිෂ්ට ජයක් ලැබූ ඕස්ට්‍රේලියාව

ශූරයන්ගේ කුසලානය තරගාවලියේ B කාණ්ඩය යටතේ එංගලන්තය හා ඕස්ට්‍රේලියාව අතර පැවති තරගයෙන් කඩුලු 5ක විශිෂ්ට ජයක් හිමිකර ගැනීමට ඕස්ට්‍රේලියාව සමත් වුණා.

පාකිස්ථානයේ ලාහෝර් හිදී පැවති තරගයේ පළමුවෙන් පන්දුවට පහර දුන් එංගලන්ත කණ්ඩායම නියමිත පන්දුවාර 50 අවසානයේ දී කඩුලු 8ක් දැවී ලකුණු 351 ක් ලබාගත්තා.

එහිදී Ben Duckett ලකුණු 165ක් සහ Joe Root ලකුණු 68ක් රැස් කළා.

අනතුරුව ජයග්‍රාහී ඉලක්කය හඹා යාම සඳහා පිටියට පිවිසි ඕස්ට්‍රේලියානු කණ්ඩායම පන්දුවාර 47යි පන්දු 3ක් තුළදී කඩුලු 5ක් පමණක් දැවී ලකුණු 356ක් ලබා ගනිමින් ජයග්‍රහණය වාර්තා කිරීමට සමත් වුණා.

එහිදී අගනා පිති හරඹයක නිරත වූ Josh Inglis පන්දු 86ක් තුළ නොදැවී ලකුණු 120ක් රැස් කළා.