රැකියා විරහිත උපාධිධාරීන් සහ ග්‍රාම නිලධාරී සංගමයේ සාමාජිකයින් විපක්ෂ නායක සජිත් හමුවෙයි
රැකියා විරහිත උපාධිධාරීන් සහ ග්‍රාම නිලධාරී සංගමයේ සාමාජිකයන් පිරිසක් විපක්ෂ නායක සජිත් ප්‍රේමදාස මහතා හමුවී තිබෙනවා.
තම වෘත්තීය කර ගෙන යාමේ දී මතුව ඇති ගැටලු සම්බන්ධයෙන් විපක්ෂ නායකවරයා දැනුවත් කිරීමේ අරමුණින් ග්‍රාම සේවා ක්ෂේත්‍රයට අදාළ වෘත්තීය සමිති කිහිපයක සාමාජිකයන් පිරිසක් අද (04) විපක්ෂ නායක සජිත් ප්‍රේමදාස මහතා හමුවීමට පැමිණ ඇති බව සඳහන්.
එසේම රැකියා විරහිත උපාධිධාරීන් පිරිසක් ද විපක්ෂ නායකවරයා හමු වී තමන් මුහුණ දෙන ගැටලු සම්බන්ධයෙන් ඒ මහතා දැනුවත් කර තිබෙනවා.
එහිදී විපක්ෂ නායක සජිත් ප්‍රේමදාස මහතා විසින් මෙම ගැටලු පාර්ලිමේන්තුවේත් අදාළ විෂය බාර අමාත්‍යවරයාගේත් අවධානයට යොමු කරන බවට පොරොන්දු වී තිබෙනවා.