අන්තරායකර ඖෂධ පාලක ජාතික මණ්ඩලයේ වාර්ෂික සමාලෝචන රැස්වීම අද
අන්තරායකර ඖෂධ පාලක ජාතික මණ්ඩලයේ 2025 වාර්ෂික සමාලෝචන රැස්වීම අද (04) මහජන ආරක්ෂක සහ පාර්ලිමේන්තු කටයුතු අමාත්‍ය ආනන්ද විජේපාල මහතාගේ සහ නියෝජ්‍ය අමාත්‍ය සුනිල් වටගල මහතාගේ ප්‍රධානත්වයෙන් පවත්වා තිබෙනවා.
ඒ ත්තර මුල්ලේ සුහුරුපාය පරිශ්‍රයේ පිහිටි මහජන ආරක්ෂක සහ පාර්ලිමේන්තු කටයුතු අමාත්‍යාංශයේදී
එහිදී දිවයින පුරා දිස්ත්‍රික් මට්ටමින් සහ ප්‍රාදේශීය ලේකම් කොට්ඨාශ මට්ටමින් මත්ද්‍රව්‍ය නිවාරණ සහ ප්‍රතිකාර කාර්යයන් සඳහා අනුයුක්ත කර ඇති බාහිර සේවා නිලධාරීන් සහ සංවර්ධන නිලධාරීන් විසින් සිදු කරනු ලබන නිවාරණ සහ ප්‍රතිකාර කටයුතු සම්බන්ධ ප්‍රගති සමාලෝචනයක් සිදුකිරීම හා ඉදිරි වැඩසටහන් ක්‍රියාත්මක කළ යුතු ආකාරය පිළිබඳ අවධානය යොමු කර තිබෙනවා.
මෙම අවස්ථාව සඳහා මහජන ආරක්ෂක සහ පාර්ලිමේන්තු කටයුතු අමාත්‍යාංශයේ ලේකම් රවී සෙනවිරත්න මහතා ඇතුළු ජ්‍යෙෂ්ඨ නිලධාරීන් රැසක් මෙන්ම අන්තරායකර ඖෂධ පාලක ජාතික මණ්ඩලයේ සභාපතිතුමා සහ අධ්‍යක්ෂ ජනරාල් තුමා ඇතුළු නිලධාරීන් රැසක් ද සහභාගී වී ඇති බව සඳහන්.