පාර්ලිමේන්තු මන්ත්‍රී ජගත් මනුවර්ණ කලා සහ සංස්කෘතික කටයුතු පිළිබඳ පාර්ලිමේන්තු සංසදයේ සභාපති
කලා සහ සංස්කෘතික කටයුතු පිළිබඳ පාර්ලිමේන්තු සංසදයේ සභාපති ලෙස පාර්ලිමේන්තු මන්ත්‍රී ජගත් මනුවර්ණ මහතා පාර්ලිමේන්තුවේදී තේරී පත් විණා.
මෙහිදී සභාපතිවරයා ලෙස ඒ මහතාගේ නම පාර්ලිමේන්තු මන්ත්‍රීවරුන් වන රුවන් මාපලගම මහතා විසින් යෝජනා කළ අතර සුගත් වසන්ත ද සිල්වා මහතා විසින් ස්ථිර කරන ලදි.
එසේම සංසදයේ නියෝජ්‍ය සම සභාපතිවරුන් ලෙස ගරු පාර්ලිමේන්තු මන්ත්‍රීවරුන් වන රුවන් මාපලගම, තුෂාරි ජයසිංහ, සුසන්ත දොඩාවත්ත, සුගත් වසන්ත ද සිල්වා සහ නිලන්ති කොට්ටහච්චි යන මහත්ම මහත්මීන් තේරී පත්වුණා.
සංසදයේ ඉදිරි වැඩකටයුතු පිළිබඳ සාකච්ඡා කිරීමට සංසදය එළ‍‍‍‍ඹෙන 22 වැනිදා නැවත රැස්වීමට තීරණය කෙරිණි.
