ඉන්දුනීසියාවේ විරෝධතා උත්සන්න වේ (VIDEO)
පොලිස් වාහනයක ගැටීමෙන් බෙදාහරින රියදුරෙකු මිය යාමෙන් පසු ඉන්දුනීසියාව පුරා මහජන විරෝධතා පැන නැගී ඇති අතර, පොලීසිය සහ විරෝධතාකරුවන් අතර ගැටුම් උත්සන්න වී තිබෙනවා.
ජකර්තා සහ සුරබායා යන ප්‍රධාන නගරවල විරෝධතා කරුවන්ට කඳුළු ගෑස් ප්‍රහාර එල්ල කරන අතරතුර, දකුණු සුලවේසි හි මකසාර් හි ප්‍රාදේශීය පාර්ලිමේන්තුවට ගිනි තැබීමෙන් පුද්ගලයින් තිදෙනෙකු මිය ගොස් තවත් පස් දෙනෙකු තුවාල ලැබූ බව රාජ්‍ය ප්‍රවෘත්ති ඒජන්සිය වාර්තා කළා.
විරෝධතාව පැවති ස්ථානයේ දී පොලිස් වාහනයකට යටවීමෙන් 21 හැවිරිදි අෆාන් කුර්නියාවන් ගේ මරණයත් සමඟ මෙම නොසන්සුන්තා ඇති වුණා.
දේශපාලනඥයින් සඳහා නිවාස දීමනා සහ ජීවන වියදම් ගැටළු සම්බන්ධයෙන් කලකිරීම් මෙම මරණයත් සමග මතුවී ඇති විරෝධතා ජනාධිපති ප්‍රබෝවෝ සුබියන්ටෝට එරෙහි ප්‍රධාන පරීක්ෂණයක් ලෙසයි බොහෝ දෙනා සලකන්නේ.
අෆාන් කුර්නියාවන්ගේ අවමංගල්‍යය ඊයේ සිදු වූ අතර, ඔහුගේ හිටපු සගයන් ඔහු සමඟ ඔහුගේ අවසන් කටයුතු සදහා එකව සිටියා.
ජකර්තා පොලිස් ප්‍රධානී අසෙප් එඩි සුහෙරි මෙන්ම දේශපාලනඥයින් වන රීක් ඩයහ් පිටලෝකා සහ ජකර්තා හි හිටපු ආණ්ඩුකාර අනිස් බස්වේදන් ද ඔවුන් සමඟ එක් වූ අතර, ඔවුන් නඩුව හොඳින් විමර්ශනය කරනු ඇතැයි බලාපොරොත්තු පළ කර තිබුණා.
නමුත් ස්ථාවරත්වය පවත්වා ගැනීම සඳහා ඔවුන්ගේ විරෝධතාව නතර කරන ලෙස බෙදාහැරීමේ රිදුරන්ට ආරාධනා කළා.
පොලිස් ප්‍රධානියා ද නැවත නැවතත් මෙම සිදුවීම සම්බන්ධයෙන් සමාව අයැද සිටියා.
එසේ සිදුවෙමින් තිබියදීත්, රියදුරුගේ මරණයට යුක්තිය ඉල්ලා සිටීමට විරෝධතාකරුවන් පොලිස් මූලස්ථානයෙන් පිටත රැස් වුණා.
ජනාධිපති ප්‍රබෝවෝ සුබියන්ටෝ විසින් කුර්නියාවන්ගේ පවුලේ අයට සමාව අයැදීමක් ද නිකුත් කරමින් පවසා තිබුණේ “නිලධාරීන්ගේ අධික ක්‍රියාමාර්ගවලින් තමා කම්පනයට හා කලකිරීමට පත් වූ ” බවයි.
එලෙස තිබිය දී මෙම ගැටුම් උත්සන්න වීම කැපී පෙනෙනවා.