ඩිල්ෂාන් මදුශන්ක සිම්බාබ්වේට එරෙහි වාර්තාගත කඩුළු ත්‍රිත්වයක් සමග ශ්‍රී ලංකාවට ජය ගෙනෙයි

සංචාරක ශ්‍රී ලංකා කණ්ඩායම සහ සිම්බබ්වේ කණ්ඩායම අතර හරාරේ හිදී ඊයේ පැවති පළමු එක්දින තරගයෙන් ශ්‍රී ලංකාව ඩිල්ෂාන් මදුශන්ක ලබාගත් වාර්තාගත කඩුළු ත්‍රිත්වයත් සමග තියුණු ලකුණු 07 ක ජයක් වාර්තා කළා.

පළමුව පන්දුවට පහර දුන් ශ්‍රී ලංකාව කඩුලු 6කට 298 ක් රැස් කළා.

එහිදී පැතුම් නිශ්ශංක ලකුණු 76 ක් ලබාගත් අතර ජනිත් ලියනගේ නොදැවී ලකුණු 70 ක් සහ කමිඳු මෙන්ඩිස් ලකුණු 57 එක්කළා.

රිචඩ් න්ගරාවා කඩුළු 2 ක් ලබාගත්තේ ලකුණු 34 කටයි.

පිළිතුරු ඉනිම ඇරඹූ සිම්බාබ්වේ කණ්ඩායම නියමිත පන්දුවාර 50 තුළ ලැබුවේ කඩුලු 8කට 291 පමණයි. ෂිකන්දර් රාසා අගනා ලකුණු 92 ක් ලබා සිටිය දී ඩිල්ෂාන් මදුශන්ක ගේ පන්දුවක් කෙලින්ම කඩුල්ලේ වැදී දැවී ගියා.

බෙන් කරන් දැවී ගියේ ලකුණු 70 කටයි.

සීන් විලියම්ස් ලකුණු 57ක් ලබා ගත්තා.

ඩිල්ෂාන් මධුශංක වාර්තාගත කඩුළු ත්‍රිත්වය සමග ලකුණු 62 ට කඩුළු 4 දවාගත්තා.

අසිත ප්‍රනාන්දු කඩුළු 3 ක් ලබාගත්තේ ලකුණු 50 කටයි.

අවසාන ඕවරයේ දී ඩිල්ෂාන් මධුශංක කඩුළු ත්‍රිත්වයක් මගින් සිම්බාබ්වේ කණ්ඩායමට සිය ජහග්‍රහනය ආසන්නයේදීම එය අහිමිව ගියා.

ශිකන්දර් රාසා සිම්බාබ්වේ කණ්ඩායම ශ්‍රී ලංකාවට එරෙහිව ජයග්‍රහණය හමුවට කැදවාගෙන ඒමට සටන්කාමී ඉනිමක් දියත් කළා.