බොලිවුඩ් සුපිරි නළු ෂාරුක් ඛාන් බිලියනපති සමාජයට එක්වෙයි

බොලිවුඩ් සුපිරි නළු ෂාරුක් ඛාන් ප්‍රථම වරට බිලියනපති සමාජයට එක්වී ඇති අතර, නව ලැයිස්තුවකට අනුව ලොව ධනවත්ම නළුවෙකු බවට පත්ව ඇතැයි බී.බී.සී. ලෝක සේවය වාර්තා කළා.

ඉන්දියාවේ ධනවත්ම පුද්ගලයින්ගේ වාර්ෂික ශ්‍රේණිගත කිරීමක් වන හුරුන් ඉන්දියා රිච් ලිස්ට් 2025 ට අනුව, 59 හැවිරිදි ඔහුගේ ශුද්ධ වටිනාකම විශ්මයජනක ලෙස ඩොලර් බිලියන 1.4 ලෙස ගණන් බලා තිබෙනවා.

මෙමගින් ඔහු ෆෝබ්ස් සඟරාව විසින් ඩොලර් බිලියන 1.6 ක ශුද්ධ වටිනාකමක් ඇස්තමේන්තු කර ඇති ආර්නෝල්ඩ් ෂ්වාස්නෙගර්, පොප් තරුව රිහානා, ගොල්ෆ් ක්‍රීඩක ටයිගර් වුඩ්ස් සහ ගායක ටේලර් ස්විෆ්ට් වැනි ගෝලීය කීර්තිමත් පුද්ගලයින්ගේ ලීගයට ඇතුළත් කරයි.

ලැයිස්තුවේ සිටින අනෙකුත් බොලිවුඩ් පුද්ගලයින් අතරට බොලිවුඩ් නිළි ජුහි චව්ලා, නළු රිතික් රෝෂන් , අමිතාබ් බච්චන් සහ චිත්‍රපට අධ්‍යක්ෂ කරන් ජොහාර් ද ඇතුළත්.