ඇමරිකානු දේශපාලන ඉතිහාසය අලුතින් ලියා ට්‍රම්ප් ට අභියෝග කරන නිව්යෝර්ක් පළමු මුස්ලිම් නගරාධිපති
ඩොනල්ඩ් ට්‍රම්ප්ගේ දෙවන ධුර කාලයේ පළමු ප්‍රධාන මැතිවරණයෙන් පසුගිය ජනාධිපතිවරණයෙන් පසුබැස සිටි ඩිමොක්‍රටික් පක්ෂය ජයග්‍රහණයේ මාවතට පිවිසෙමින්, සොහ්රාන් මම්දානි නිව්යෝර්ක් නගරයේ නගරාධිපති තරඟය ජයග්‍රහණය කළා.
34 හැවිරිදි මම්දානි, සියවසකට වැඩි කාලයක් තුළ එක්සත් ජනපදයේ විශාලතම නගරයට නායකත්වය දුන් පළමු මුස්ලිම් නගරාධිපති සහ ලාබාලතම පුද්ගලයා බවට පත් වනවා.
“දේශපාලන අන්ධකාරයේ මේ මොහොතේ, නිව්යෝර්ක් ආලෝකය වනු ඇත,” මම්දානි ජයග්‍රාහී කතාවකදී ඔහු තම ප්‍රතිපත්ති ගෙනහැර දක්වමින් ට්‍රම්ප්ට කෙලින්ම ආමන්ත්‍රණය කළේ ඒ ආකාරයෙන්.
මම්දානි ස්වාධීන ඇන්ඩෲ කියෝමෝ සහ රිපබ්ලිකන් කර්ටිස් ස්ලිවා පරාජය කළහොත් නිව්යෝර්ක්හි ෆෙඩරල් අරමුදල් කපා හැරීමට තර්ජනය කළ ට්‍රම්ප් සමාජ මාධ්‍යවල ලියා තිබුණේ මේ ආකාරයෙන්. “එසේම එය ආරම්භ වේ” යනුවෙන්.
මේ අතර, ඩිමොක්‍රටික් පක්ෂය වර්ජිනියා සහ නිව් ජර්සි හි ආණ්ඩුකාර තරඟ ජයග්‍රහණය කරනු ඇතැයි පුරෝකථනය කර තිබෙනවා.
ලබන වසරේ මැතිවරණවලට පෙර ප්‍රාන්තයේ කොංග්‍රස් දිස්ත්‍රික්ක ඩිමොක්‍රටික් පක්ෂයට පක්ෂව නැවත ඇඳීමට කැලිෆෝනියා වැසියන් ඡන්දය දෙනු ඇතැයි බොහෝ දෙනාගේ අපේක්ෂාවයි.