උසස් පෙළ ලියන අයට හදිසියක් නම් 117 අංකයට කතා කරන්න
මෙවර උසස් පෙළ විභාගය සඳහා පෙනී සිටින අයදුම්කරුවන් ගේ පහසුව සඳහා ආපදා කළමනාකරණ මධ්‍යස්ථානය හදිසි සැලැස්ම එළිදක්වා තිබෙනවා.
ඒ අනුව උසස් පෙළ සඳහා පෙනී සිටින සිසුන්ට හෝ ගුරුවරුන්ට යම් ආපදා තත්ත්වයක් ඇතිවුවොත් පහසුකම් සැලසීම සඳහා එඅම් දෙපාර්තමේන්තුව සූදානමින් පසුවන බව ආපදා කළමනාකරන අධ්‍යක්ෂ ජනරාල් මේජර් ජෙනරාල් ( විශ්‍රාමික) සම්පත් කොටුවෙගොඩ මහතා දැනුම් දෙනවා.
ඒ සඳහා ත්‍රිවිධ හමුදාව සූදානමින් පසුවන අතර හදිසි ඇමතුම් අංකයක් ද ලබා දී තිබෙනවා.
117 අංකයට ඇමතීමෙන් යම් අපේක්ෂකයකුට හෝ ගුරුවරුන්ට පහසුකම් සලසා ගත හැකිබව ආපදා කළමනාකරණ මධ්‍යස්ථානය දැනුම් දෙනවා.