ආපදාවට ලක්වූවන්ට ගෙවන වියලි ආහාර ද්‍රව්‍ය දීමනා ඉහළ දැමීමට භාණ්ඩාගාර අනුමැතිය

හදිසි අපදා තත්ත්වයක දී විපතටපත් ජනතාවට හා ආපදා අවදානම හේතුවෙන් පදිංචි ස්ථානවලින් ඉවත් කරන ජනතාවට සහන සැලසීම සහ හානියට පත්වන දේපළ යථාතත්ත්වයට පත් කිරීම හා වන්දි ගෙවීම ඇතුලු කරුණු සැලකිල්ලට ගෙන දැනට ගෙවනුලබන වියලි ආහාර ද්‍රව්‍ය සඳහා ගෙවනු ලබන මුදල ආපදා තත්ත්වයන්ට පමණක් සීමා වන ලෙස පහත පටිදි වැඩි කි‍රීමට භාණ්ඩාගාර ලේකම් අනුමැතිය ලබා දී ඇතැයි ජාතික අයවැය දෙපාර්තමේන්තුව පවසනවා.

වියලි ආහාර ද්‍රව්‍ය සඳහා (සතියක් සඳහා උපරිමය – නමුත් දිනකට උපරිමය මෙම මුදලින් 1/7 ක් විය යුතුයි.)

තනි පුද්ගලයකු සඳහා දැනට ගෙවන රු. 1800.00 ක මුදල රු. 2100.00 දක්වා වැඩිකර තිබෙනවා.

සාමාජිකයින් දෙදෙනකුගෙන් යුත් පවුලකට දැනට ගෙවන රු. 2400 ක මුදල වෙනුවට රු.4200.00 ක් ගෙවීමට තීරණය කර තිබෙනවා.

සාමාජිකයින් 03 නකු ගෙන් යුත් පවුලකට දැනට ගෙවන මුදල වන රු. 2800.00 මෙවර ඉහළ දමා ඇත්තේ රු. 6300.00 ක් ලෙසයි.

සාමාජිකයින් 04 දෙනකු සිටින පවුලක් සඳහා ලබාදුන් රු. 3200 ක මුදල මෙවර රු. 8400.00 ක් දක්වා ඉහළ දමා තිබෙනවා.

සාමාජිකයින් 05 ක් හෝ ඊට වැඩි පවුලකට දැනට ගෙවන රු. 3600 ක ගෙවීම වෙනුවට භාණ්ඩාගාර අනුමැතිය ලබා දී ඇත්තේ රු.10,500.00 ක් ලබා දීමටයි.