කිලෝ 219ක හෙරොයින් තොගයේ හිමිකරු ගැන ඇති සැකය
වැලිගම, මිරිස්ස, පොල්අතුමෝදර මුහුදු ආශ්‍රිත ප්‍රදේශයේ සිදුකළ ඒකාබද්ධ මෙහෙයුමකදී අත්අඩංගුවට ගත් හෙරොයින් කිලෝ 219 විදේශගතව සිට මත්ද්‍රව්‍ය ජාවාරම මෙහෙයවන මහ පරිමාණ මත්ද්‍රව්‍ය ජාවාරම්කරුවකු වන ‘හරක් කටා’ නමැත්තාගේ බවට සැක පලවී ඇතැයි දිනපතා පුවත්පත් වාර්තා කර තිබෙනවා.
මීට පෙරද මුහුදු මාර්ග ඔස්සේ ‘හරක් කටා’ විසින් දකුණු මුහුදු තීරයට වරින් වර එවන ලද හෙරොයින් කිලෝ තොග විශාල ප්‍රමාණයක් මත්ද්‍රව්‍ය නාශක කාර්යාංශය හා පොලිස් විශේෂ කාර්ය බළකාය විසින් අත්අඩංගුවට ගනු ලැබුවා.
පොලිසිය මත්ද්‍රව්‍ය අත්අඩංගුවට ගැනීමත් සමඟ කලක් නිහඬව සිටි මෙම ජාවාරම්කරු, මෙම මත්ද්‍රව්‍ය තොගය මෙරට මුහුදු තීරයට එවා ඇත්තේ කොරෝනා වසංගතය හේතුවෙන් ආරක්ෂක අංශවල අවධානය මේ සඳහා යොමු නොවෙතැයි යන බලාපොරොත්තුවෙන් බවට ආරක්ෂක අංශ විශ්වාසය පළ කරනවා.
