ජනපති ජය ශ්‍රී මහා බෝධීන් වහන්සේ වැඳ ආශිර්වාද ලබාගනී (වීඩියෝ)
ජනාධිපති ගෝඨාභය රාජපක්ෂ මහතා අද (08) පෙරවරුවේ ඓතිහාසික ජය ශ්‍රී මහා බෝධීන් වහන්සේ වැඳ ආශිර්වාද ලබා ගත්තා.
එහිදී ජය ශ්‍රී මහා බෝධීන් වහන්සේ අභියස දී මහා සංඝරත්නය සෙත් පිරිත් සඡ්ජායනා කර ජනාධිපතිවරයට ආශිර්වාද පළ කළා.
පසුව ජනාධිපතිවරයා, අටමස්ථානාධිපති ආචාර්ය පූජ්‍ය පල්ලේගම සිරිනිවාස නාහිමියන් බැහැ දැක උන්වහන්සේගේ සුවදුක් විමසා බැලීමට ද කටයුතු කළ බවයි ජනාධිපති මාධ්‍ය අංශය නිවේදනය කළේ.
ජය ශ්‍රී මහා බෝධීන් වහන්සේ වන්දනාමාන කිරීමට පැමිණෙන බැතිමතුන් වෙනුවෙන් ඉදි කෙරෙන රථගාලේ ඉදිකිරීම්වල වත්මන් තත්ත්වය පිළිබඳව ජනාධිපතිතුමා අටමස්ථානාධිපති නාහිමියන් සමඟ එහිදී සාකච්ඡාකර තිබෙනවා.