රත්මලානට පැමිණි ‘ගුවන් නියමුවරිය සාරා’ ඊයේ තැබූ වාර්තා තුන

ලොව වටා යන ගමනේ දී රත්මලාන ගුවන්තොටුපොළට ද පැමිණි 19 හැවිරිදි බෙල්ජියම් ජාතික ගුවන් නියමුවරිය සාරා රදර්ෆර්ඩ් සැහැල්ලු ගුවන් යානයකින් තනිවම ලොව වටා යමින් ලෝක වාර්තාව පිහිටුවීමට සමත්ව තිබෙනවා.

පසුගියඅගෝස්තු 18 වැනිදා කෝට්රේ නුවරින් ගමන් ඇරඹු ඇය ඊයේ (20) කෝට්රේ නුවරින්ම ගමන නිමා කරනු ලැබුවා.

ලෝකය වටා තනිවම පියාසර කළ ළාබාලතම කාන්තාව, මයික්‍රෝ ලයිට් ගුවන් යානය නැගී ලොව වටා යන කාන්තාව සහ තනි ඇන්ජිමක ගුවන් යානයක නැගී ලෝකය වටා යන පළමු බෙල්ජියම් ජාතිකයා වීම සාරා රදර්ෆර්ඩ් පිහිටුවා ඇති වාර්තා තුනයි.