අද දිනයේදීත් පැය 05ක විදුලි කප්පාදුවක් (වීඩියෝ)

අද (25) දිනයේදී, ඒ.බී.සී කලාප සඳහා පැය 04යි විනාඩි 40ක් සහ අනෙකුත් කලාප වලට පැය 05යි විනාඩි 15ක කාලයක් සඳහා විදුලිය කප්පාදු කිරීමට සිදුවන බව මහජන උපයෝගිතා කොමිෂන් සභාව පවසනවා.

ඒ සඳහා වන අනුමැතිය ලංකා විදුලිබල මණ්ඩලයට මේ වනවිටත් ලබාදී ඇති බවයි එම කොමිෂන් සභාව සඳහන් කළේ.

අද (25) පෙරවරු 8.30 සිට රාත්‍රී 10.30 දක්වා කාලය තුළ අදියර දෙකක් යටතේ මෙම විදුලි කප්පාදුව සිදු කිරීමට නියමිතව තිබෙනවා.

මේ අතර ඊයේ (24) දිනයේ දීත් පැය 05 කට ආසන්න කාලයක් දිවයින පුරා කලාප වශයෙන් විදුලිය කප්පාදුවක් සිදුකෙරුණා.