‘පූකුඩුකන්නාගේ’ සමීපතමයෙක් හෙරොයින් සමඟ අල්ලයි (වීඩියෝ)
රුපියල් කෝටියකට අධික හෙරොයින් මත්ද්‍රව්‍ය කිලෝ ග්‍රෑම් එකයි ග්‍රෑම් 268ක් සන්තකයේ තබාගෙන සිටි පුද්ගලයෙකු වත්තල, කෙරවලපිටිය ප්‍රදේශෙය් දී පොලිසිය විසින් ඊයේ (25) අත්අඩංගුවට ගෙන තිබෙනවා.
අත්අඩංගුවට ගැනුණු 45 හැවිරිදි සැකකරු සන්තකයේ තිබී රුපියල් 793,350ක මුදලක් ද සොයාගැනීමට හැකි වූ බවයි පොලිසිය වැඩි දුරටත් සඳහන් කළේ.
එම මුදල් මත්ද්‍රව්‍ය ජාවාරමින් උපයාගත් මුදල් බවටයි පොලිසිය සැකකරන්නේ.
මෙලෙස අත්අඩංගුවට ගැනුණු පුද්ගලයා විදේශ රටක සිට මෙරට මත්ද්‍රව්‍ය ජාවාරම මෙහෙයවන බාලචන්ද්‍රන් පුෂ්පරාජ් හෙවත් ‘පූකුඩුකන්නාගේ’ සමීපතමයෙක් බවයි පොලිසිය වැඩිදුරටත් සඳහන් කළේ.
මේ සම්බන්ධයෙන් වන වැඩිදුර විමර්ශන කටයුතු පොලිස් මත්ද්‍රව්‍ය නාශක කාර්යාංශය විසින් සිදුකරන බවයි පොලිස් මාධ්‍ය ප්‍රකාශකවරයා පැවසුවේ.