කුඩු ලාල් … රූබන් …නිපුණ- ඊයේ(12) ඇල්ලු මහා පරිමාණ අයිස් මත්ද්‍රව්‍ය ජාවාරමේ ඇත්ත හිමිකරුවන් මෙන්න
සපුගස්කන්ද ප්‍රදේශයෙන් අයිස් මත්ද්‍රව්‍ය කිලෝ 100 ක් සොයාගැනීමට ඊයේ (12) පොලිස් මත්ද්‍රව්‍ය නාශක කාර්යාංශය සමත් වුණා .
මත්ද්‍රව්‍ය නාශක කාර්යාංශයේ නිලධාරීන් ඊයේ (12දා) සපුගස්කන්ද මාබිම රජ්ගහවත්ත ප්‍රදේශයේ නිවෙසක් සෝදිසියට ලක් කරනු ලැබුවා
එම නිවෙස සෝදිසි කිරීමේදී එම නිවෙස තුළ තිබී අයිස් මත්ද්‍රව්‍ය තොගයක් සොයා ගැනීමට මත්ද්‍රව්‍ය නාශක කාර්යාංශයට හැකි වුණා .
එම මත්ද්‍රව්‍ය තොගය පාර්සල් 91ක අසුරා තිබුණු අතර අයිස් මත්ද්‍රව්‍ය කිලෝ 110ක් එහි අඩංගු වී තිබුණ බවයි වාර්තා වන්නේ .
එම තොගයේ වටිනාකම රුපියල් කෝටි 110කට වඩා අධිකයි .
මත්ද්‍රව්‍ය නාශක කාර්යාංශය කරන ලද මෙම විමර්ශනයේදී අනාවරණය වූයේ එම නිවෙස යුවළක් විසින් කුලී පදනම මත ලබාගෙන තිබූ එකක් බවයි .
මත්ද්‍රව්‍ය නාශක කාර්යාංශය විසින් වත්තලදී අත්අඩංගුවට ගත් මාබෝල ප්‍රදේශයේ පදිංචිකරුවකුගෙන් හා වනවාසල ප්‍රදේශයේදී අත්අඩංගුවට ගත් පෙතියාගොඩ ප්‍රදේශයේ පදිංචිකරුවකුගෙන් කළ ප්‍රශ්න කිරීම් හා තාක්ෂණ හා විද්‍යාත්මක ක්‍රම උපයෝගී කර කරන ලද විමර්ශනයේදී සපුගස්කන්ද පොලිස් වසමේ රජ්ගහවත්ත ප්‍රදේශයේ මෙම මත්ද්‍රව්‍ය ගබඩාව සොයා ගැනීමට හැකි වී තිබෙනවා
උත්සව සමයේදී බෙදාහැරීමට හා විකිණීම සඳහා මෙරටට ගෙන්වා තිබූ අයිස් වර්ගයේ මත්ද්‍රව්‍ය කිලෝ 125ක් බස්නාහිර පළාතේ ප්‍රදේශ තුනකදී අත්අඩංගුවට ගැනීමට පොලිස් මත්ද්‍රව්‍ය නාශක කාර්යාංශයට මේ වනවිට හැකිවී තිබෙනවා
දින තුනක් තුළ කරන ලද සුවිශේෂ වැටලීමක් තුළ මෙම මත්ද්‍රව්‍ය තොගය අල්ලා ගැනීමට හැකිවූ අතර මත්ද්‍රව්‍ය සමඟ 12 දෙනකුද සැකපිට අත්අඩංගුවට ගෙන තිබෙන අතර මෙම 12දෙනා අතර කාන්තාවන් දෙදෙනෙක්ද සිටින බවයි වාර්තා වන්නේ
මෙම පුද්ගලයන් හය දෙනා අතර එකම පවුලේ සාමාජිකයන් හතර දෙනෙක්ද සිටි අතර මොවුන් අත්අඩංගුවට ගැනුණේ 11 වැනිදායි .
පොලිස් මත්ද්‍රව්‍ය නාශක කාර්යාංශයට මීට මාස කිහිපයකට කලින් අයිස් මත්ද්‍රව්‍ය මෙරටට ගෙන ඒම සම්බන්ධයෙන් තොරතුරු ලැබී තිබුණා
ඒ අනුව දීර්ඝකාලීනව කළ විමර්ශනයක ප්‍රතිඵලයක් මත ඉකුත් 10 වැනිදා වත්තල ප්‍රදේශයේදී එක්තරා පුද්ගලයකු අත්අඩංගුවට ගැනීමට මත්ද්‍රව්‍ය නාශක කාර්යාංශයේ නිලධාරීන්ට හැකි වුනේ අත්අඩංගුවට ගත් පුද්ගලයා සතුව තිබු හෙරොයින් ග්‍රෑම් 102ක් හා අයිස් ග්‍රෑම් 113ක් සමඟයි
ඔහුගෙන් කරන ලද ප්‍රශ්න කිරීමෙන් පසු මෙම පුද්ගලයාට මත්ද්‍රව්‍ය ලබාදෙන ස්ථානයක් පිළිබඳ තොරතුරු හෙළිකර ගත් පසු ජාඇළ නිවන්දම ප්‍රදේශයේ නිවෙසකට ගිය මත්ද්‍රව්‍ය නාශක කාර්යාංශයේ නිලධාරීන්ට එම නිවෙසේ සඟවා තිබූ අයිස් මත්ද්‍රව්‍ය තොගයක් සොයා ගැනීමට හැකි වුණා
එහිදී පාර්සල් 13ක අසුරා තිබු අයිස් කිලෝ 15ක් සොයාගත් අතර එම අයිස් තොගයේ වටිනාකම රුපියල් කෝටි 15කට ආසන්නයි .
මෙම මත්ද්‍රව්‍ය තොගය සමඟ පුද්ගලයන් දෙදෙනකුද මත්ද්‍රව්‍ය නාශක කාර්යාංශය විසින් අත්අඩංගුවට ගනු ලැබුවා .
මොවුන්ගෙන් කළ ප්‍රශ්න කිරීමේදී තවත් මත්ද්‍රව්‍ය තොගයක තොරතුරු හෙළි කර ගත් පසුයි ඊයේ (12) දිනයේ වැටලීම සිදු කරනු ලැබුවේ
වැඩිදුරටත් කරන ලද විමර්ශනවලදී හෙළිව තිබෙන්නේ මෙම මත්ද්‍රව්‍ය තොගය මෙරටට ගෙන ඒම මෙහෙයවා ඇත්තේ එක්සත් අරාබි එමීර් රාජ්‍යයේ රැඳී සිටින නිපුණ නමැත්තකු විසින් බවයි .
එමෙන්ම මෙම තොගය මෙරටට ගෙන ඒම සංවිධානය කර ඇත්තේ මෙරට මත්ද්‍රව්‍ය සම්බන්ධයෙන් චෝදනා ලබා දැනට විදේශගතව සිටින රූබන් හා ලාල් නමැත්තන් විසින් බවයි
මෙම දෙදෙනාගේ සංවිධානය මත මෙම මත්ද්‍රව්‍ය තොගය මුහුදු මාර්ගයෙන් මෙරටට එවා තිබෙනවා
මෙම මත්ද්‍රව්‍ය හමුවීමත් සමඟ මෙම මත්ද්‍රව්‍ය ජාලය පිටුපස සිටින පුද්ගලයන් හඳුනාගෙන ඇති අතර ඔවුන් අත්අඩංගුවට ගැනීම සඳහා අත්අඩංගුවේ පසුවන සැකකරුවන් 10 දෙනාගෙන් හා සැකකාරියන් දෙදෙනාගෙන් මේ වන විටත් මත්ද්‍රව්‍ය නාශක කාර්යාංශය ප්‍රශ්න කරමින් සිටින බවයි වාර්තා වන්නේ
ස්වර්ණවාහිනී පත්තරේ වැඩසටහනින්ද මේ පිළිබඳව අවධානය යොමු කෙරුණා