T56 ගිනි අවියක් සමග සැකකරුවෙකු අත්අඩංගුවට

T56 ගිනි අවියක් සමග සැකකරුවෙකු වැලිකන්ද, රුහුණුකෙත ප්‍රදේශයේදී අත්අඩංගුවට ගෙන තිබෙනවා.

යුධ හමුදා පොලිස් විශේෂ විමර්ශන ඒකකයට ලද තොරතුරක් මත යුධ හමුදාවේ යැයි සැක සහිත T56 මාක් 1 වර්ගයේ ගිනි අවියක්, හිස් පතරොම් ගැබ් 01ක් හා 7.62 x 39 මිමි වර්ගයේ ජීව උණ්ඩ 18 ක් සැකකරු සන්තකයේ තිබී සොයාගත් බව සඳහන්.

මෙසේ අත්අඩංගුවට ගෙන ඇත්තේ වයස අවුරුදු 53ක් පමණ වන පුද්ගලයෙක්.

සිද්ධිය සම්බන්ධයෙන් ඉදිරි විමර්ශන කටයුතු යුධ හමුදා පොලිස් විශේෂ විමර්ශන ඒකකය මඟින් සහ බස්නාහිර පළාත් අපරාධ විමර්ශන කොට්ඨාශය මඟින් සිදුකරන බවයි වාර්තා වන්නේ.