අධිකරණ සේවා කොමිසමෙන් විනිසුරුවරුන්ට උපදෙස් මාලාවක්
මෙම සතියේ අධිකරණ ක්‍රියාකාරිත්වය පිළිබඳව අගවිනිසුරුතුමා සහ අධිකරණ සේවා කොමිෂන් සභාව විසින් නිකුත් කරන ලද මාර්ගෝපදේශ උපදෙස් අධිකරණ සේවා කොමිසමේ ලේකම්වරයා විනිසුරු වරුන්ට දැනුම් දෙනවා.
අධිකරණ සේවා කොමිසම දන්වාඇත්තේ ඉහත තත්ත්වයන් යටතේ, සියලුම විනිසුරුවරුන්ට රටේ බිම් මට්ටමේ තත්ත්වය සැලකිල්ලට ගෙන හැකිතාක් දුරට පාර්ශවයන්ට අහිතකර නියෝග ලබා දීමෙන් වළකින ලෙසටයි.
“තවද, සභාපති / ස්ථානයේ ජ්‍යෙෂ්ඨතම විනිසුරුවරයා නිතිපතා නඩු විභාග පැවැත්වීම වළක්වා ගත යුතු බවට මතයක් ගන්නේ නම්, හැකි සෑම තැනකම නීතිඥ සංගමය, නීතිපති දෙපාර්තමේන්තුවේ නියෝජිතයින්, පොලිස් ස්ථාන භාර නිලධාරීන් සහ නඩු පවරන්නන් වෙත පිටපතක් සමඟ පූර්ව දැන්වීමක් ප්‍රකාශයට පත් කරන ලෙස ද අදාල උපදෙස්වල ඇතුලත්.
පවතින බිම් මට්ටමේ තත්ත්වය තක්සේරු කර සාමාන්‍ය අධිකරණ විභාග නැවත ආරම්භ කිරීමට හැකි සෑම පියවරක්ම ගන්නා ලෙසද විනිසුරුවරුන්ට අධිකරණ සේවා කොමිසම උපදෙස් දී තිබෙනවා.