අයිස් මත්ද්‍රව්‍ය සහ කේරල ගංජා සමග සැකකරුවෙක් අත්අඩංගුවට
අයිස් මත්ද්‍රව්‍ය සහ කේරල ගංජා සන්තකයේ තබාගෙන සිටි සැකකරුවෙකු තලවකැලේ පොලිස් විශේෂ කාර්ය බලකායේ නිලධාරින් විසින් අත්අඩංගුවට ගෙන තිබෙනවා..
අනතුරුව සැකකරු අධිකරණය වෙත ඉදිරිපත් කිරිම සඳහා අද (02) දින තලවකැලේ පොලිසිය වෙත භාර කෙරුණා.
තලවකැලේ ග්‍රේට් වෙස්ටර්න් ලුසා කොටසේ පදිංචි සැකකරු (32) කොළඹ සිට අයිස් මත්ද්‍රව්‍ය සහ කේරල ගංජා රැගෙනවිත් ඇති බවට යුධ හමුදා බුද්ධි අංශයේ නිලධාරින්ට ලද තොරතුරක් මත තලවකැලේ පොලිස් විශේෂ කාර්ය බලකායේ නිලධාරින් සමග සැකකරුගේ නිවසට ගොස් පරික්ෂා කිරිමේදී සැකකරු සන්තකයේ තිබි අයිස් මත්ද්‍රව්‍ය මිලග්‍රැම් 120 ක් සහ කේරල ගංජා මිලිග්‍රැම් 400 ක් සොයා ගත බවයි අප වාර්තාකරු සඳහන් කළේ .
