ආපදාවෙන් මරණ 159 යි – අතුරුදන් 203 ක්
අයහපත් කාලගුණය හේතුවෙන් ආපදාවට ලක් වූ පවුල් 234,503 කට අයත් 833,985 දෙනකු මේ වනවිට වා‍ර්තා වන බව ජාතික ආපදා සහන සේවා මධ්‍යස්ථානයේ සහකාර ලේකම් ජයතිස්ස මුණසිංහ මහතා පවසනවා.
ඔහු පැවසුවේ ආපදාවට ලක් වූවන්ට සහන සැලසීම සඳහා සුරක්ෂිතතා මධ්‍යස්ථාන 919 ක් දිවයින පුරා පිහිටුවා ඇති බවයි.
මෙම සුරක්ෂිතතා මධ්‍යස්ථානවල මේ වන විට පවුල් 34,198 කට අයත් පුද්ගලයින් 120,821 ක පමණ පිරිසක් සිටින බවයි.
ආපදා අනතුරුවලින් මේ දක්වා තහවුරු කරගත් මරණ සංඛ්‍යාව 159 ක් වන අතර 203 දෙනකු අතුරුදන්ව සිටිනවා.
ජාතික ආපදා සහන සේවා මධ්‍යස්ථානයේ සහකාර ලේකම් ජයතිස්ස මුණසිංහ මහතා ප්‍රකාශ කළේ මේ වන විට ජනාධිපතිවරයාගෙ උපදෙස් පරිදි ආරක්ෂක ලේකම්වරයා විශේෂ චක්‍ර ලේකයක් මගින් පවතින ආර්ථික තත්ත්වයන්ට අනුව සහන සේවා මිල ගණන් සැපයීමේ වෙනසක් කළ බවයි.
ඔහු පැවසුවේ ඒ අනුව සෑම ප්‍රාදේශීය ලේකම්වරයකුටම බාධාවකින් තොරව රු.මි. 50 ක් දක්වා ප්‍රසම්පාදන කටයුතු සුදුසු පරිදි පරිසර තත්වයන්ට අනුව කටයුතු කිරීමට බලය ලබා දී ඇති බවයි.
