ආරක්ෂක නියෝජ්‍ය ඇමති බදුල්ලේ සුරක්ෂිතතා මධ්‍යස්ථන නිරීක්ෂණය කරයි
දිවයිනට බල පෑ අයහපත් කාලගුන තත්ත්වයෙන් පීඩාවට පත් වූ ජනතාව රැඳී සිටින බදුල්ල දිස්ත්‍රික්කයේ සුරක්ෂිත මධ්‍යස්ථාන ආරක්ෂක නියෝජය අමාත්‍ය මේජර් ජෙනරාල් (විශ්‍රාමික) අරුණ ජයසේකර මහතා අඩුපාඩු සොයා බැලීම සඳහා නිරීක්ෂණ චාරිකාවක නිරත වී තිබෙනවා.
නියෝජ්‍ය අමාත්‍යවරයා ඊයේ (29) අවතැන් වූවන් රැඳී සිටින හපුතලේ ග්ලෙනෝර් දෙමළ මහා විද්‍යාලයීය සුරක්ෂිතතා මධ්‍යස්ථානය නිරීක්ෂණයට ලක් කළා.
එම මධ්‍යස්ථානවල පහසුකම් පරීක්ෂා කර නියෝජ්‍ය අමාත්‍යවරයා උපදෙස් දී ඇත්තේ වෛද්‍ය ආධාර , ආහාර, සනීපාරක්ෂාව ඇතුලු ක්ෂණික අවශ්‍යතා සැපයීම සදහා සුරක්ෂිතතා මධ්‍යස්ථාන නිලධාරීන් සමග සාකච්ඡා කර ඒවා කඩිනමින් සැපයීමටයි.
බදුල්ල නගරයේ පිහිටි මුතියංගනය රජමහා විහාරය, මුස්ලිම් පල්ලිය සහ නෙළුම්ගමුව මහා විද්‍යාලයේ ස්ථාපිත කර ඇති සුරක්ෂිතතා මධ්‍යස්ථන ද ආරක්ෂක නියෝජ්‍ය අමාත්‍යවරයා නිරීක්ෂණය කළා.
