ඇල්ල ලැඟුම්හලක දෙවන මහලෙන් ඇද වැටී චෙක් ජාතිකයෙක් මරුට (වීඩියෝ)
ඇල්ල ප්‍රදේශයේ පිහිටි සංචාරක ලැඟුම්හලක දෙවන මහලෙන් ඇද වැටී විදෙස් සංචාරකයෙකු ජීවිතක්ෂයට පත්ව තිබෙනවා.
අද (20) අලුයම මෙම විදෙස් ජාතිකයා මෙලෙස අනතුරට ලක්ව ඇති බවයි ඇල්ල පොලිසිය සඳහන් කළේ.
මෙලෙස ජීවිතක්ෂයට පත්ව ඇත්තේ 28 හැවිරිදි චෙක් ජාතිකයෙක්.
ලැගුම්හලේදී විනෝද වෙමින් සිටිය දී මොහුගේ පය ලිස්සා යාමෙන් මෙලෙස පහළට ඇදවැටී ඇති බවයි අනාවරණ වී ඇත්තේ.
මෘත ශරීරය සම්බන්ධයෙන්වන පශ්චාත් මරණ පරීක්ෂණය සඳහා එය බදුල්ල මහ රෝහල වෙත යොමුකළ බවයි පොලිසිය වැඩිදුරටත් සඳහන් කළේ.
සිද්ධිය සම්බන්ධයෙන් ඇල්ල පොලිසිය වැඩිදුර විමර්ශන සිදුකරනු ලබනවා.