එක්සත් රාජධානියෙන් වැග්නර් කණ්ඩායම ත්‍රස්ත සංවිධානයක් ලෙස ප්‍රකාශයට පත් කරයි
රුසියානු කුලී හේවා කණ්ඩායම වන වැග්නර් එක්සත් රාජධානියේ රජය විසින් ත්‍රස්තවාදී කණ්ඩායමක් ලෙස තහනම් කිරීමට සහ ප්‍රකාශ කිරීමට සූදානම් බව විදෙස් මාධ්‍ය වාර්තා කරනවා
මෙම තහනම් කිරීම මගින් අදහස් වන්නේ සංවිධානයේ සාමාජිකයෙකු වීම හෝ සහයෝගය දැක්වීම නීති විරෝධී වනු ඇති බවයි.
පාර්ලිමේන්තුවට ඉදිරිපත් කිරීමට නියමිත කෙටුම්පත් නියෝගයකින් වැග්නර් කණ්ඩායමේ වත්කම් ත්‍රස්තවාදී දේපළ ලෙස වර්ගීකරණය කර රාජසන්තක කිරීමට ඉඩ සැලසෙනු ඇති
රුසියාව යුක්‍රේනය ආක්‍රමණය කිරීමේදී වැග්නර් ප්‍රධාන භූමිකාවක් ඉටු කර ඇති අතර සිරියාවේ සහ ලිබියාව සහ මාලි ඇතුළු අප්‍රිකාවේ රටවල මෙම කණ්ඩායම ක්‍රියාත්මක වන බවද විදෙස් මාධ්‍ය පවසනවා.
යුක්‍රේන පුරවැසියන් ඝාතනය කිරීම සහ වධහිංසා පැමිණවීම ඇතුළු අපරාධ ගණනාවක් සම්බන්ධයෙන්ද වැග්නර්හි සටන්කරුවන්ට චෝදනා එල්ල වී තිබෙනවා
තහනම් නියෝගය මගින් සංවිධානයේ ක්‍රියාකාරකම් තවදුරටත් ඉදිරියට ගෙන යාම අරමුණු කරගත් රැස්වීම් සංවිධානය කිරීම, එහි අරමුණු සඳහා සහය ප්‍රකාශ කිරීම හෝ එහි ධජය හෝ ලාංඡනය ප්‍රදර්ශනය කිරීම ඇතුළුව කණ්ඩායමට සහාය වීම සාපරාධී වරදක් බවට පත් කරනු ඇති
සමහර වැරදි සඳහා වසර 14 දක්වා සිර දඬුවමක් නියම වීම් හෝ පවුම් 5,000ක දඩයකට යටත් විය හැකියි .
වැග්නර් කණ්ඩායම යනු ක්‍රෙම්ලිනය විසින් අරමුදල් සපයනු ලබන සහ ලොව පුරා රුසියාවේ අවශ්‍යතා ප්‍රවර්ධනය කිරීමට ක්‍රියාකාරී වන පුද්ගලික හමුදා කණ්ඩායමක් .
රුසියාවේ GRU හමුදා බුද්ධි අංශයේ සහාය ඇතිව 2014 දී වැග්නර් කණ්ඩායම පිහිටුවන ලද අතර එහි මූලික සාමාජිකයන් වූයේ හිටපු රුසියානු ස්පෙට්ස්නාස් (විශේෂ බලකා) ක්‍රියාකාරීන් සහ දැඩි බව සහ ම්ලේච්ඡත්වය යන දෙකටම කීර්තියක් ඇති වෘත්තීය සොල්දාදුවන්.
ඔවුන් රුසියාව වෙනුවෙන් යුක්‍රේනයේ , විශේෂයෙන් ඩොන්බාස්, සිරියාව සහ අප්‍රිකාවේ රටවල් කිහිපයක සටන් කර තිබෙනවා
අනතුරකට ලක්වීමෙන් මියගිය Yevgeny Prigozhin ගේ ප්‍රධානත්වයෙන් තිබූ මෙම වැග්නර් කණ්ඩායම මාලි, මධ්‍යම අප්‍රිකානු ජනරජය සහ සුඩානය වැනි රටවල ලාභදායී කොන්ත්‍රාත්තු ලබාගෙන ඇති අතර, රත්‍රන්, දියමන්ති සහ ඛනිජ සහන වෙනුවට ඒකාධිපති පාලකයින්ට ආරක්ෂාව සහ ආරක්ෂණ සේවා සපයනු ලබනවා .
ලැබුණු ආදායමෙන් වැඩි ප්‍රමාණයක් මොස්කව් වෙත ආපසු ගොස් රුසියානු යුද ප්‍රයත්නයට අරමුදල් සපයා ඇති බවද සඳහන්
මානව හිමිකම් සංවිධාන මොවුන්ට චෝදනා කර ඇත්තේ රටවල් ගණනාවක පුළුල් වධහිංසා පැමිණවීම් සහ ම්ලේච්ඡ ක්‍රියා සිදු කරන බවටයි.