ඖෂධ, ඉන්ධන සහ පොහොර නොමැතිව දුක් විඳි අතීතය අමතක නොකළ යුතුයි
ඖෂධ, ඉන්ධන සහ පොහොර සපයා ගත නොහැකිව දුක්විඳී අතීතය කිසිවෙකු අමතක නොකළ යුතු බවත්, මතු පරපුරට එවන් අඳුරු අත්දැකීමකට ඉඩ නොතබා නව ආර්ථික පරිවර්තනයක් තුළින් ශ්‍රී ලංකාව ගොඩනැගීමට රජය ඉදිරිපත් කර ඇති වැඩපිළිවෙළ සමඟ සියලුදෙනා එක්විය යුතු බවත් ජනාධිපති රනිල් වික්‍රමසිංහ මහතා පවසනවා
සමස්ත ලංකා පෞද්ගලික ඖෂධ ශාලා හිමියන්ගේ සංගමයේ 09 වන සම්මේලනය අමතමින් ජනාධිපතිවරයා මේ බව කියා සිටියා
පසුගිය කොරෝනා වසංගතය සහ ආර්ථික අර්බුදය හමුවේ පැන නොගොස් රට වෙනුවෙන් වගකීම් ඉටු කළ ඖෂධ ශාලා හිමියන්ගේ සංගමයට ජනාධිපතිවරයා මෙහිදී සිය ස්තූතිය පල කළා
එමෙන්ම පැරිස් සංගමයේ රටවල් සහ පැරිස් සංගමයට අයත් නොවන රටවල් සමගත් නිල වශයෙන් ශ්‍රී ලංකාවට ණය දෙන රටවල කමිටුව සමඟත් සාකච්ඡා කර එකඟතාවකට පැමිණීමට බලාපොරොත්තු වන බවද ජනාධිපතිවරයා එහිදී පැවසුවා