කොන්සියුලර් සේවා ශක්තිමත් කිරීම සඳහා දූත මණ්ඩල ප්‍රධානීන් සමඟ නියෝජ්‍ය ඇමති සාකච්ඡාවක්
ශ්‍රී ලංකාව තුළ සහ විදේශ දූත මණ්ඩල හරහා කොන්සියුලර් සේවා සැපයීම සමාලෝචනය කිරීම සහ වැඩිදියුණු කිරීම සඳහා විදේශ කටයුතු සහ විදේශ රැකියා නියෝජ්‍ය අමාත්‍ය අරුන් හේමචන්ද්‍ර මහතා ලොව පුරා සිටින සියලුම දූත මණ්ඩල ප්‍රධානීන් සහ කොන්සියුලර් ප්‍රධානීන් සමඟ ඵලදායීතාව ඉහළ නැංවීමේ සංවාදයක් පවත්වා තිබෙනවා.
පුරවැසි තෘප්තිය ඉහළම ප්‍රමුඛතාවය බවට පත් කරමින්, ජනතා කේන්ද්‍රීය පාලන ප්‍රවේශයක් යටතේ සේවාවන් ප්‍රතිනිර්මාණය කිරීම සහ වැඩිදියුණු කිරීම මෙම සාකච්ඡාවේ ප්‍රධාන අරමුණක්.
රැස්වීමේදී බෙදාගත් වටිනා අවබෝධයන් සහ යෝජනා ඉදිරියට යන විට සංයුක්ත පියවර ක්‍රියාත්මක කිරීම හැඩගස්වනු ඇති බව නියෝජ්‍ය අමාත්‍යවරයා අවධාරණය කළේය.
මෙහිදී අමාත්‍යවරයා දැනුම් දී ඇත්තේ රජයේ කැපවීම ඉස්මතු කරමින්, දේශීය හා විදේශීය කොන්සියුලර් සේවා ශක්තිමත් කිරීම සඳහා මෙම වසරේ විශේෂ අයවැය ප්‍රතිපාදනයක් වෙන් කර ඇති බවයි.
කොන්සියුලර් සේවා වැඩි දියුණු කිරීම ආයතනික වගකීමක් පමණක් නොව, වඩාත් ප්‍රතිචාරාත්මක, ජනතාව කේන්ද්‍ර කරගත් සහ ගෝලීය වශයෙන් අනුගත වූ රාජ්‍යයක් ගොඩනැගීමේ පුළුල් උත්සාහයක කොටසක් බව ඔහු තවදුරටත් අවධාරණය කළා.