ගිනි අවි 05ක් සමග පුද්ගලයෙකු අත්අඩංගුවට
ගිනි අවි 05ක් සමග පුද්ගලයෙකු වත්තල ප්‍රදේශයේදී අත්අඩංගුවට ගෙන තිබෙනවා.
විදෙස් රටක නිෂ්පාදිත ගිනි අවි තොගයක් සඟවා ඇති බවට පොලිසියට ලද තොරතුරකට අනුවයි අදාළ වැටලීම සිදුකර ඇත්තේ.
මෙහිදී අත්අඩංගුවට ගත් සැකකරු 59 හැවිරිදි වත්තල මාබෝල ප්‍රදේශයේ පදිංචිකරුවෙක්.
සැකකරුගෙන් සිදුකළ ප්‍රශ්න කිරීම්වලට අනුව විදෙස් රටක නිෂ්පාදිත ඩබල් බැරල් වර්ගයේ පතොරම් අවි 02ක්, සිංගල් බැරල් වර්ගයේ පතොරම් අවි 01ක් සහ point 22 වර්ගයේ ගිනි අවි 02ක් පොලීසිය විසින් සොයාගෙන තිබෙනවා.