ගිනි කන්ද පිපිරී සුනාමියෙන් යටවූ ටොංගා රාජ්‍යයට ආධාර යවන්නත් හැකියාවක් නෑ (වීඩියෝ)
නවසීලන්තයේ ආපදාවට ලක් වූ ටොංගා රාජ්‍යය වෙත ආධාර යවමින් සිටින නමුත් අගනුවර ප්‍රධාන ගුවන් තොටුපළ ධාවන පථයේ අළු රැඳී තිබීමෙන් ගුවන් යානා ගොඩබෑම වළක්වා තිබෙන බව විදෙස් මාධ්‍ය සඳහන් කරනවා.
එමෙන්ම සැපයුම් සහිත හමුදා නැව් දිවයිනට පැමිණීමට දින කිහිපයක් ගතවනු ඇති බවද නවසීලන්ත බලධාරීහු සඳහන් කරනවා.
හානිය තක්සේරු කිරීම සඳහා නවසීලන්තය සහ ඕස්ට්‍රේලියාව නිරීක්ෂණ ගුවන් ගමන් සිදු කර තිබෙන බවද විදෙස් මාධ්‍ය සඳහන් කරනවා.
එමෙන්ම නවසීලන්ත විදේශ කටයුතු අමාත්‍ය Nanaia Mahuta පවසා තිබෙන්නේ කඩා වැටෙන ජල බහාලුම්, ජනක යන්ත්‍ර සහ සනීපාරක්ෂක කට්ටල ඇතුළු මානුෂීය ආධාර ලබා දීම සඳහා C-130 හර්කියුලිස් ගුවන් යානයක් ටොංගා රාජ්‍යය වෙත පියාසර කිරීමට සූදානම්ව ඇති බවයි.
ගුවන් තොටුපල ධාවන පථයේ වැටී තිබෙන අළු ගුවන් යානය ගොඩබෑමට පෙර ඉවත් කළ යුතු බවයි වැඩිදුරටත් සඳහන් වන්නේ
ජල සැපයුම්, ආපදා සහන ගබඩා සහ ගලවා ගැනීමේ හෙලිකොප්ටරයක් රැගෙන ටොංගා රාජ්‍යය වෙත යවන නාවික හමුදා නැව් දෙකක් මේ වනවිටත් පිටත් කර ඇති අතර නැව් පැමිණීමට දින තුනක් ගතවනු ඇතැයි අපේක්ෂා කෙරෙන බව සඳහන්.
රතු කුරුස සංවිධානයේ ප්‍රාදේශීය අධ්‍යක්ෂ ඇලෙක්සැන්ඩර් මැතිව් සඳහන් කරන්නේ ගිනි කඳු දූවිලි හා සුනාමිය ටොංගාවේ ජල සැපයුම දූෂණය කර ඇති බවයි.
“වඩාත්ම අවශ්‍යතාවයක් ලෙස දැනෙන්නේ ජලය පිරිසිදු කිරීම සහ පිරිසිදු පානීය ජලය සැපයීම බවයි මැතිව් මහතා වැඩිදුරටත් සඳහන් කරන්නේ.