චීන විදේශ අමාත්‍යවරයා සහ අමෙරිකානු විශේෂ නියෝජිතයෙකු අතර හමුවක්
චීන කොමියුනිස්ට් පක්ෂයේ මධ්‍යම කාරක සභාවේ දේශපාලන කාර්යාංශ සාමාජික, චීන කොමියුනිස්ට් පක්ෂයේ මධ්‍යම කාරක සභාවේ විදේශ කටයුතු කොමිෂන් සභාවේ අධ්‍යක්ෂ සහ විදේශ ඇමති Wang Yi මහතා ඇමරිකානු-චීන සබඳතා පිළිබඳ ජාතික කමිටුවේ අධ්‍යක්ෂ මණ්ඩලයේ විධායක උප සභාපති Evan Greenberg මහතා අතර හමුවක් සිදුව තිබෙනවා.
ඒ චීනයේ බෙයිජිංහිදීයි.
චීනය සහ අමෙරිකාව දෙර‍ටේ රාජ්‍ය නායකයින් විසින් ඇති කරගත් වැදගත් එකඟතා සහ දැක්මට අනුව මඟ පෙන්විය යුතු බවත්,හුවමාරු ශක්තිමත් කළ යුතු බවත්, වෙනස්කම් කළමනාකරණය කළ යුතු බවත් Wang Yi මහතා මෙහිදී ප්‍රකාශ කර තිබෙනවා.
එමෙන්ම සමානාත්මතාවය සහ අන්‍යෝන්‍ය ගෞරවය යන මූලධර්මය මත පදනම්ව එකිනෙකාගේ සාධාරණ අවශ්‍යතා වෙනුවෙන් අවධානය යොමු කිරීම සඳහා අමෙරිකාව සමඟ සංවාද හා උපදේශන පැවැත්වීමට චීනය කැමැත්තෙන් සිටින බව ද ඔහු මෙහිදී අවධාරණය කර ඇති බව සඳහන්.
අවදානම සහ අවිනිශ්චිත තත්ත්වයන් ඉහළ යමින් පවතින වත්මන ලොව තුළ, දෙපාර්ශ්වයටම සාමය සහ සමෘද්ධිය ළඟා කර ගැනීම සඳහා දෙරටම සහභාගීත්වය තහවුරු කළ යුතු බවයි Evan Greenberg මහතා මෙහිදී ප්‍රකාශ කළේ.
ඒ සඳහා අමෙරිකානු-චීන සබඳතා පිළිබඳ ජාතික කමිටුව මෙන්ම තමා ද අඛණ්ඩව ධනාත්මක උත්සාහයන් දරනු ඇති බව ද ඔහු මෙහිදී සඳහන් කර තිබෙනවා.