ඩොවොන් දිය ඇල්ලෙන් ඇදවැටුණු තරුණියක් අතුරුදහන්

දිඹුල- පතන ඩෙවෝන් දිය ඇල්ලෙන් පහලට ඇද වැටී තරුණියක අද (18) සවස අතුරුදහන්ව ඇති බව දිඹුල- පතන පොලීසිය පවසනවා

පොලීසිය සිදු කරන ලද මුලික විමර්ශණවලදී හෙලී වී ඇත්තේ, තරුණියන් හතර දෙනෙකු ඩෙවෝන් දිය ඇල්ල නැරඹීමට පැමිණි දිය ඇල්ලේ ඉහළ කොටසට ගොස් , දිය ඇල්ලේ මුදුනත ජල පහරින් කකුල් සේදීමට ගිය අවස්ථාවේ එක් තරුණියක් ලිස්සා ගොස් දිය ඇල්ලෙන් පහලට ඇද වැටී ඇති බවයි.

මෙම අනතුරට ලක්ව ඇත්තේ තලවකැලේ, ලිඳුල ප්‍රදේශයේ පදිංචි 19 හැවිරිදි තරුණියක්.

මීටර් 97 ක උසකින් යුත් දිය ඇල්ලෙන් ඇද වැටීමෙන් අතුරුදහන්ව ඇති තරුණිය සොයා ගැනීම සඳහා දිඹුල- පතන පොලීසිය විසින් යුධ හමුදාව, ගුවන් හමුදාව හා පොලිස් විශේෂ කාර්ය බලකාය භට කණ්ඩායම්ද කැඳවා තිබෙනවා.