තෙවැනි මාත්‍රාව ගැන ඇමති වෛද්‍ය රමේෂ් දුන් උපදෙස
කොරෝනා වසංගතය පාලනය කිරීමට තෙවැනි මාත්‍රාව ගන්නැයි ජනතාවගෙන් ඉල්ලා සිටින බව සම කැබිනට් ප්‍රකාශක, වැවිලි කර්මාන්ත ඇමැති, වෛද්‍ය රමේෂ් පතිරණ මහතා ඊයේ (08) ඉල්ලා සිටියා.
ස්වර්ණවාහිනී පත්තරේ වැඩසටහනින්ද අවධානය යොමු කෙරුණා.
දැනට ශ්‍රී ලංකාවේ අධිමාත්‍රාව ගෙන ඇත්තේ මිලියන 06කට ආසන්න ජනතාවක් පමණක් බව ඇමැතිවරයා සඳහන් කරනවා.
ඔමික්‍රොන් ශ්‍රී ලංකාව තුළ වේගයෙන් පැතිර ගියත් සංකූලතා අඩු වී ඇත්තේ මාත්‍රා දෙකම ගෙන තිබීම හේතුවෙන් බවත් මේ රෝගය සම්පූර්ණයෙන් පාලනය කර ගැනීමට නම් තුන් වැනි මාත්‍රාව ද ගත යුතු බවත් තෙවැනි මාත්‍රාව දීමට අවශ්‍ය ෆයිසර් එන්නත් තොගය මේ වන විටත් රටට ගෙන්වා ඇති බවත් ඇමතිවරයා වැඩිදුරටත් ප්‍රකාශ කර සිටියා.
පසුගිය කාලය පුරා ජනාධිපතිවරයා ප්‍රමුඛ ආණ්ඩුව විශේෂ වෙහෙසක් ගනිමින් මේ එන්නත් තොග ගෙන්වා ගැනීමට කටයුතු කළ බව පැවැසූ ඇමැතිවරයා එහි ප්‍රතිඵල ගැනීමට නම් තුන්වන මාත්‍රාවත් ගන්නා ලෙස ඉල්ලා සිටිනවා යැයි ඇමැතිවරයා සඳහන් වනවා.
“අද වන විට සංචාරකයන් විශාල පිරිසක් අපේ රටට පැමිණෙමින් ඉන්නවා. ඊට හේතුව අපේ රට නිසි විදියට එන්නත් වැඩපිළිවෙළ ක්‍රියාත්මක වන නිසා. ඒ වගේම බොහෝ රටවල් අපේ රට ආරක්ෂිත සංචාරක ගමනාන්තයක් ලෙස පෙන්වා දී තිබෙනවා. ඒ වගේම ජනතාව නිසි ලෙස සෞඛ්‍ය උපදෙස් පිළිපදිමින් ක්‍රියා කරන නිසා සංචාරකයන්ට අපේ රට ගැන විශ්වාසයක් ඇති වෙලා තිබෙනවා. මේ තත්ත්වය තව දුරටත් ආරක්ෂා කර ගන්න නම් තුන් වැනි මාත්‍රාවත් ගන්න කියලා ජනතාවගෙන් ඉල්ලා සිටිනවා”යනුවෙන් ඇමතිවරයා වැඩිදුරටත් කියා සිටියා