දෑස් නොපෙනෙන අය ගැන – දෑස ඇති අයට කිය සුදු සැරයටි ආරක්ෂිත දිනය අදයි

සුදු සැරයටි ආරක්ෂිත දිනය අදට යෙදී තිබෙනවා.

1964 සිට සෑම වසරකම ඔක්තෝබර් 15 දා සුදු සැරයටි ආරක්ෂිත දිනය සමරනු ලබන එක්සත් ජනපදයේ ජාතික සැමරුමක්.

අන්ධ හෝ දෘශ්‍යාබාධිත පුද්ගලයින්ගේ ජයග්‍රහණ සහ අන්ධභාවයේ වැදගත් සංකේතය සහ නිදහසේ මෙවලම වන සුදු සැරයටි සැමරීම සඳහා මෙම දිනය වෙන් කර තිබෙනවා.

1964 ඔක්තෝබර් 6 වන දින, එක්සත් ජනපද කොංග්‍රසයේ ඒකාබද්ධ යෝජනාවක් වන H.R. 753, Pub. L. 88–628 ලෙස නීතියට අත්සන් කර තිබෙනවා.

මෙම යෝජනාව සෑම වසරකම ඔක්තෝබර් 15 “සුදු සැරයටි ආරක්ෂිත දිනය” ලෙස ප්‍රකාශයට පත් කිරීමට එක්සත් ජනපද ජනාධිපතිවරයාට බලය පවරා ඇත්තේ ඒ අනුවයි.

ඒකාබද්ධ යෝජනාව සම්මත වීමෙන් පැය කිහිපයක් ඇතුළත ජනාධිපති ලින්ඩන් බී. ජොන්සන් පළමු සුදු සැරයටි ආරක්ෂිත දින ප්‍රකාශයට අත්සන් කර තිබෙනවා.

2011 දී, සුදු සැරයටි ආරක්ෂිත දිනය එරට ජනාධිපතිවරයා විසින් අන්ධ ඇමරිකානුවන්ගේ සමානාත්මතා දිනය ලෙස ද නම් කළා.